Charter Document - 00390025

Sciant presentes et futuri quod nos fratres Willelmus de Wylburgcham prior ecclesie sancti Johannis Baptiste de Bykenacre et eiusdem loci canonici unanimi consensu et spontanea uoluntate pro utilitate nostra et domus nostre concessimus dedimus et hac presenti carta nostra confirmauimus deo et ecclesie beate marie de dunmawe et canonicis ibidem deo seruientibus et in perpetuum seruituris xxuij solidos iij denarios et duas Gallinas annui redditus quos et quas G le Bard Th filius Radulfi et Rogerus filius Ricardi filii Symonis nobis annuatim reddere solebant de tenementis que de nobis tenuerunt in parochia de Burnham percipiendum dictum redditum de predictis G Th et Rogero et de eorum heredibus et assignatis et de quibuscumque illa tenementa tenent uel iure tenere debent uidelicet de philippo filio predicti Radulfi le bard xiiij solidos et ij gallinas ad ij anni terminos scilicet ad Natiuitatem sancti Johannis Baptiste vij solidos et ad Natalem domini vij solidos et ij gallinas de feodo Jordani de Krikesheham et de eodem Philippo viij solidos et iij denarios ad ij anni terminos scilicet ad festum sancti Michaelis iiij solidos et ad pascha iiij solidos et iij denarios de feodo W le moyne et Alicie uxoris de lx acris terre arabilis una cum marisco et suis pertinentiis et de predicto Th filio r[adulfi] xl denarios ad ij anni terminos ad festum sancti michaelis et ad pascha proportionaliter et de predicto Rogero xxx denarios ad eosdem terminos proportionaliter de tenemento quod uocatur Bodyneslond cum homagiis seruiciis fiduciis releuijs sectis curiis wardis maritatione herietis excaetis et cum omnibus alijs rebus et pertinentiis que nobis et ecclesie nostre uel successoribus nostris aliquo modo uel iure de predictis tenementis siue de predictis tenentibus accidere uel euenire possint habend et tenend totum predictum redditum cum suis pertinentiis preter de nobis et successoribus nostris sibi et ecclesie sue et eorum successoribus libere quiete bene et in pace integre honorifice et in perpetuum in liberam puram et perpetuam elemosinam Et nos dicti prior et canonici de Bikenacre et successores nostri totum predictum redditum cum omnibus rebus supradictis et pertinentiis memoratis religiosis priori et conuentui de dunmawe et ecclesie sue et eorum successoribus warantizabimus defendemus et in omnibus plenarie aquietabimus contra omnes gentes tam Christianos et quoscumque feodi predicti dominos in perpetuum Pro hac autem concessione donatione warantizatione defensione et aquietatione et presentis carte confirmatione remiserunt nobis predicti prior et conuentus de Dunmawe lxu solidos de arreragio et xx solidos annui redditus quos pro terra de la maylond de feodo Roberti filii Walteri soluere consueuimus eisdem Relaxarent etiam prefati prior et conuentus de Dunmawe lxu solidos de arreragiis predicti redditus et duas marcas argenti nobis dederunt pre manibus In cuius rei testimonium prefati carte sigillum nostrum commune apposuimus Hiis testibus Datum apud Bikenacre x kal[] augusti anno domini mcclxx tertio