Charter Document - 00380270
| Charter Number: | 00380270 |
|---|---|
| Cartulary Title: | The Registrum Antiquissimum of the Cathedral Church of Lincoln |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1286 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Honorius episcopus seruus seruorum dei dilecto filio [] abbati monasterii de Bardeneye Linc dioecesis salutem et apostolicam benediccionem Significauit nobis dilecti filii [] decanus et capitulum ecclesie Linc quod nonnulli iniquitatis filii quos prorsus ignorant decimas redditus census legata instrumenta publica terras domos prata pascua nemora molendina possessiones et alia bona ad ecclesiam ipsam spectancia temere ac maliciose occultare et occulte detinere presumunt non curantes ea ipsis decano et capitulo exhibere in animarum suarum periculum et predicte ecclesie non modicum detrimentum super quo iidem decanus et capitulum apostolice sedis remedium implorarunt Quocirea diserecioni tue per apostolica scripta mandamus quatinus omnes huiusmodi detentores occultos decimarum redituum et aliorum bonorum predictorum ex parte nostra publice in ecclesiis coram populo per te uel per alium moneas ut infra competentem terminum quem ei prefixeris ea predictis decano et capitulo a se debita restituant et reuelent ac de ipsis plenum et debitam eis satisfactionem impendant Et si non impleuerint infra alium terminum competentem quem eis ad hoc peremptorie duxeris prefigendum ex tunc in eos generalem excommunicacionis sentenciam proferas et eam ubi et quando expedire videris facias usque ad satisfactionem condignam solempniter publicari Dat Rom apud sanctam Sabinam vj idus Februarii pontificatus nostri anno primo