Charter Document - 00374066
| Charter Number: | 00374066 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Presentation |
| Date: | 1450 |
| Date type: | Internal, Calendar, A.D. |
| Resource Link(s): |
|
Charter:
Reuerendissimo in Christo patri et domino suo Marmaduco dei gracia Lincolniensi episcopo humilis et deuotus Iohannes prior et conuentus prioratus de Luffeld vestre diocese omnimodas reuerencias obedienciam et honorem tanto patri debitas Ad ecclesiam parochialem sancti Egidij de Waterstratford vestre diocese nostri patronatus per liberam resignacionem magistri Iohannis Combe vitimi rectoris eiusdem vacantem et ad nostram presentacionem pleno iure spectantem dilectum nobis in Christo Willelmum Barbor capellanum ad dictam ecclesiam de Waterstratford admittere et ipsum rectorem in eadem canonice cum omnibus suis iuribus et pertinencijs vniuersis fauorabiliter et benigne dignemini instituere vlteriusque sibi faciendo et exequendo quod vestro in hac parte incumberit officio pastorali In cuius rei testimonium sigillum capituli nostri presentibus est appensum Datum apud Luffeld sextodecimo die mensis Augusti anno domini millesimo CCCC quinquagesimo
Source (click image below to view full size)
