Charter Document - 00371209

Hec indentura testatur quod Willelmus Rogerus prior prioratus monasterij beate Marie de Luffeld et eiusdem loci conuentus concesserunt et ad firmam dimiserunt Stephano at Mille de Toucestr in comitatu Norhant et Iohanne vxori eius ac Willelmo filio eorundem dua cotagia vnum croftum vocatum Lakecroft cum tribus acris terre arrabilis et pertinencijs suis eisdem cotagijs et crofto spectantibus in villa et in campis de Toucestr et Burcot vnde due acre simul iacent super Bosceypese et vna acra simul iacet subtus Hech croft extendentes se into the Oldebrok ac eciam vnum tenementum in Towcestr predict situatum inter tenementum nuper Hugonis Machon et tenementum nuper Henrici Saundurs et extendens into Watlyngstrete vt metet et bundet ibidem cum vna dimidia acra prati iacente in campo de Eston vsque in prato vocato le Longmed et omnibus alijs pertinencijs predicto tenemento spectantibus Habendum et tenendum de prefatis priore et conuentu ac de eorum successoribus dicta dua cotagia croftum ac tres acras terre arrabilis ac eciam tenementum cum dimidia acra prati et cum omnibus alijs pertinencijs suis prefatis Stephano Iohanne et Willelmo filio eorundem a dato presencium vsque ad finem termini quadraginta annorum proximo sequencium et plenarie completorum Reddendo annuatim prefatis priori et conuentui ac eorum successoribus vel assignatis viginti et quinque solidos bone et legalis monete Anglie ad quatuor anni terminos videlicet ad festum sancti Iohannis baptiste sancti Michaelis archangeli sancti Thome apostoli et annunciacionis beate Marie per equales porciones ad quodlibet festum supradictum Et predicti Stephanus Iohanna et Willelmus predicta cotagia croftum et tenementum predictum reparabunt manutenebunt et sustentabunt durante termino predicto sumptibus suis proprijs et expencis Et si contingat predictum redditum aretro fuerit in parte vel in toto per quindecim dies post aliquid festorum prenominatorum non solutum tunc bene liceat dictis priori et conuentui vel eorum successoribus ac collectoribus redditus qui pro tempore fuerint in predictis cotagijs crofto terris et tenemento cum dimidia acra prati et pertinencijs distringere et districciones sic captas penes se retinere et affugare quousque redditus cum areragijs et expencis si que fuerint plenarie persoluatur satisfactus Et eciam non licebit prefatis Stephano Iohanne ac Willelmo filio eorundem per eosdem vel per alios aliquos arbores in dicto cotagio cum tenemento crofto et pertinencijs suis prosternere venditare nec eradicare sine licencia speciali predictorum prioris et conuentus ac eorum successorum suorum Et si predicti Stephanus Iohanna et Willelmus infra quadraginta annorum predictorum obierint tunc bene licebit prefatis priori et conuentui ac successoribus suis vel collectoribus redditus qui pro tempore fuerint in predicta cotagia cum crofto et tres acras terre arrabilis ac eciam in tenementum cum dimidia acra prati cum pertinencijs reintrare et reassumere retinere ac regaudere hijs indenturis non obstantibus Et predicti Stephanus Iohanna et Willelmus portabunt omnia onera cotagiorum crofti cum terris ac tenemento et dimidia acra prati cum pertinencijs sumptibus suis proprijs et expencis Et si predictus redditus aretro fuerit in parte vel in toto per spacium quadraginta dierum post aliquod festum prenominatum predictum non solutum tunc bene licebit predictis priori et eiusdem loci conuentui ac successoribus suis in predicta cotagia croftum cum tribus acris terre ac eciam in tenementum cum dimidia acra prati cum pertinencijs reintrare et reasumere retinere in prestino statu regaudere hijs indenturis non obstantibus Et predicti prior et conuentus ac eorum successores dicta cotagia croftum terras et tenementum cum dimidia acra prati et pertinencijs suis sub forma predicta et prenominata prefatis Stephano Iohanne et Willelmo filio eorundem durante termino predicto contra omnes gentes warantizabunt et defendent In cuius rei testimonium sigillum commune monasterij predicti ac sigilla dictorum Stephani Iohanne et Willelmi hijs indenturis apposuerunt Datum in domo nostro capituali in die sancti Iohannis baptiste anno regni regis Edwardi quarti post conquestum octauo Et vlterius predicti Stephanus Iohanna et Willelmus in fine terminorum predictorum vel in aliquo termino terminorum predictorum si predicti obierint cotagio cum crofto et terre cum tenemento prato cum pertinencijs bene et sufficienter reparabunt sic dimittent sumptibus suis et expencis []