Charter Document - 00371184
| Charter Number: | 00371184 |
|---|---|
| Cartulary Title: | Luffield Priory Charters |
| Charter Language: | French |
| Charter Origin: | Lay |
| Charter Type(s): | Grant |
| Date: | 1274 - 1275 |
| Date type: | Assigned |
| Resource Link(s): |
|
Charter:
Iohan persone de Towcestre achata vn mes e vne crouthe ole curtilage en la vile de Towcestre de Wybert le porter meymis celi Iohan dona cel mes e crouthe e curtilage a Parnele de Brackele de ky il engendra vn fiz ke fu nome Willem de Brackele Meymis cele Parnele dona cel mes e crouthe e curtilage a Willem de Brackele soun fiz Willem de Brackele engendra vn fiz de Maud le Welche ke est apele Rauf Le auandit Willem fit vne chartre a Rauf soun fiz de cel mes crouthe e curtilage mes vnkes en seysine ne ly mit E pur ceo apres la chartre fete a Rauf Willem de Brackele vendy cel mes crouthe e curtilage a Robert le Mareschal e bon sesine haueyt auns e iours Robert le Mareschal vendy cel mes crouthe e curtilage a Henri le bakere Henri le bakere le vendy a Cristiane de Wayford Cristiane de Wayford le dona en pur e en perpetuel aumoyne La mesun de Luff hat este en seysine pus le ters an de le regne le rey Edward ke ore est ke deu gard e la mesun de Luffeld
Source (click image below to view full size)
