Charter Document - 00371150
| Charter Number: | 00371150 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant, Notification, Agreement |
| Date: | 1355 |
| Date type: | Internal, Feast, Regnal |
| Resource Link(s): |
|
Charter:
Nouerint vniuersi per presentes quod nos frater Willelmus prior de Luffeld et eiusdem loci conuentus tradidimus concessimus et dimisimus Iohanni att Brok de Selueston et Iohanne uxori sue et Iohanni filio eorundem illud mesuagium nostrum apud Thouebrugg in Selueston quod Iohannes Rikelot quondam de nobis tenuit cum omnibus pertinencijs suis et totam terram nostram cum prato adiacente in campo qui vocatur le Westfeld cum suis pertinencijs extra terram quam Iohannes Walrand et Willelmus Hardel quondam de nobis tenuerunt Habendum et tenendum predictum mesuagium cum tota terra predicta et prato adiacente cum omnibus pertinencijs suis predictis Iohanni Iohanne et Iohanni ad totam vitam eorundem de nobis et successoribus nostris libere bene et in pace Reddendo inde annuatim nobis et successoribus nostris septem solidos argenti ad duos anni terminos videlicet ad festum annunciacionis beate Marie in Martio et sancti Michaelis per equales porciones et vnum gallum et duas gallinas ad Natalem domini et dabunt dictis priori et conuentui melius animal eorum nomine herieti post decessum vtriusque predictorum et preterea faciendo capitalibus dominis feodi seruicia inde debita et de iure consueta et forinsecum seruicium cum accidit et sectam curie nostre Et si contingat predictos Iohannem Iohannam et Iohannem seu eorum quemquam in parte vel in toto alicuius solucionis dicti redditus terris suprastatis deficere quod absit ex tunc bene liceat dictis priori et conuentui et eorum successoribus quandocumque et vbicumque voluerint tam infra cepta domus quam extra distringere et districciones fugare et retinere quousque dicti religiosi et eorum successores tam de dampnis quam grauaminibus et expensis omnimodis quam de arreragijs cuiuscumque solucionis plene fuerit satisfactum Nos vero predicti prior et conuentus et eorum successores dictum mesuagium cum pertinencijs suis et terram prenominatam eum prato et omnibus pertinencijs suis vt predictum est predictis Iohanni Iohanne et Iohanni ad totam vitam illorum et cuilibet eorum diucius viuenti contra omnes gentes warantizabimus et defendemus Omnia vero edificia in adeo bono statu quo ea receperunt vel meliori sustentabunt In cuius rei testimonium huic presenti scripto indentato partes predicte sigilla sua alternatim apposuerunt Hijs testibus Iohanne Sparhauk Willelmo Herteshorn Ricardo Smyt Stephano Budel Thoma Lambard et alijs Datum apud Luffeld die iovis in festo sancti Gregorij pape anno regni regis Edwardi tercii post conquestum vicesimo nono
Source (click image below to view full size)
