Charter Document - 00371146
| Charter Number: | 00371146 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1391 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Petrus Heruy de Norton Dauy dedi concessi et hac presenti carta mea confirmaui Willelmo Balle de Silueston et Alicie vxori eius vnum mesuagium in Silueston situatum inter terram Thome Maideford ex parte vna et tenementum Iohannis Haukyn ex parte altera et dedi eciam eisdem Willelmo et Alicie duas acras terre arabilis quarum dimidia acra iacet in campo de Silueston super culturam vocatam Wyndmyllehull inter terram Iohannis Hikeman ex parte vna et terram Ricardi Boterel ex parte altera vna acra subtus Feliwell inter terram Iohannis Cony ex parte vna et terram Iohannis Adam ex parte altera et vna dimidia acra terre iacet iuxta finem ville inter terram Hugonis Attebrook ex parte et terram Iohannis Adam ex parte altera Habendum et tenendum predictum mesuagium et predictas duas acras terre cum omnibus suis pertinencijs predictis Willelmo et Alicie vxori eius et heredibus et assignatis eorum imperpetuum quiete et in pace de capitalibus dominis feodi illius per seruicia inde de iure consueta Et ego vero predictus Petrus et heredes mei predictum mesuagium et duas acras terre cum omnibus suis pertinencijs predictis Willelmo et Alicie heredibus et assignatis suis contra omnes gentes in forma permissa warantizabimus imperpetuum In cuius rei testimonium huic presenti carte mee sigillum meum apposui Hijs testibus Thoma Maideford Thoma Lambard Petro Gibouns Iohanne Hoker Iohanne Cony de Silueston et alijs Datum apud Silueston die dominica in die sancte Trinitatis anno regni regis Ricardi secundi a conquestu Anglie quartodecimo
Source (click image below to view full size)
