Charter Document - 00371143
| Charter Number: | 00371143 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Recitation, Grant |
| Date: | 1399 |
| Date type: | Internal, Feast, Regnal |
| Resource Link(s): |
|
Charter:
Cum terre et tenementa redditus et seruicia cum pertinencijs in Sulueston et Wyttlebury in comitatu Norhant que fuerunt Iohannis Clerc de Selueston tenentur de priore et conuentu prioratus monachorum de Luffeld per seruicium militare virtute donacionis et feoffamenti per Willelmum Maundeuill quondam comitem Essex inde eis in puram et perpetuam elemosinam facti vnde dictus Iohannes Clerc obiit seisitus et habuit exitum Matillidem Margaretam et Aliciam que intrarunt predicta terras et tenementa redditus et seruicia et ea per racionabilem particionem inter se diuiserunt vt coheredes ipsius Iohannis Clerc Et predicta Margareta habuit exitum Thomam Lambard de Sulueston qui nunc est heres et possessor illius propartis terrarum tenementorum reddituum et seruiciorum predictorum in Sylueston et Wyttlebury que erant dicte Margarete matris sue de qua proparte ipsa Margareta obiit seisita vnde quidam liberi tenentes tenent in feodo diuersa terras et tenementa sua in Sulueston et Wyttlebury de prefato Thoma Lainbard vt domino illorum feodorum in medio pro redditibus et seruicijs subscriptis videlicet Thomas Knot tenet vnum mesuagium et vnam virgatam terre cum pertinencijs quondam Willelmi Chardon in Sulueston per redditum duorum solidorum per annum et per homagium et fidelitatem cum exitibus et proficuis inde emergentibus Et Willelmus Lambard de Sulueston tenet tres rodas terre in Sulueston per redditum vnius denarij per annum ad festum sancti Michaelis et eciam idem Willelmus tenet vnam acram terre in Sulueston per redditum vnius floris rose rubei per annum et per alia seruicia et proficua inde emergencia Et Ricardus Halgode tenet vnum cotagium et quatuordecim acras terre cum pertinencijs in Wyttlebury per redditum duorum denariorum per annum ad festum sancti Michaelis et per alia seruicia et proficua inde emergencia et eciam idem Ricardus tenet duas acras terre in Wyttlebury per redditum vnius floris rose per annum et per alia seruicia et proficua inde incumbencia necnon idem Ricardus tenet vnum cotagium tres acras et vnam rodam terre cum pertinencijs in Sulueston per redditum vnius denarij per annum et per alia seruicia et proficua incumbencia Et Iuliana Halgode vxor quondam Thome Halgode tenet vnum cotagium cum curtilagio et tribus acris et dimidia acra terre adiacentibus in Sulueston per redditum duorum denariorum per annum ad festum sancti Michaelis et per seruicia et proficua emergencia Et Iohannes Colman tenet vnum cotagium cum curtilagio et quatuor seliones terre adiacentes quondam Gilberti Kyngesman in Sulueston per redditum vnius denarij per annum et per seruicia et proficua accidencia Et Ricardus Mason tenet vnam parcellam gardini cum tribus buttis terre et prato adiacente in Sulueston sub gardino Iohannis Wattes per redditum vnius obuli per annum et per seruicia et proficua incumbencia Qui quidem prefatus Thomas Lambard tenet in capite omnia redditus et seruicia predicta de prefatis priore et conuentu virtute donacionis predicte Willelmi Maundeuill eis quondam facte vt profertur Sciant presentes et futuri quod ego predictus Thomas Lambard dedi concessi et hac presenti carta mea confirmaui Willelmo Lambard de Sulueston Ricardo Halgode Iohanni filio Willelmi Lambard Iohanni Clement de Sulueston et Galfrido Gebuns de Sulueston omnia et singula redditus et seruicia mea predicta cum homagijs fidelitatibus wardis maritagijs releuijs heretis eschaetis et omnibus alijs proficuis incumbentibus et de iure contingentibus cum acciderint post decessum cuiuslibet tenencium meorum predictorum de onmibus et singulis terris et tenementis supradictis cum pertinencijs suis in Sulueston et Wyrttlebury que de me tenentur vt domino feodorum illorum in medio vt profertur cum homagio fidelitatibus wardis maritagijs releuijs heretis eschaetis et omnibus alijs proficuis emergentibus cum acciderint prefatis Willelmo Lambard Ricardo Halgode Iohanni filio Willelmi Lambard Iohanni Smyth et Ricardo Botrell heredibus et assignatis eorum imperpetuum de predictis capitalibus dominis feodorum illorum per seruicia inde debita et de iure consueta Et ego vero predictus Thomas Lambard et heredes mei omnia predicta redditus et seruicia mea exeuncia de terris et tenementis supradictis que de me tenentur in medio cum homagijs fidelitatibus releuijs heretis eschaetis et alijs proficuis emergentibus cum acciderint prefatis Willelmo Lambard Ricardo Halgode Iohanni filio Willelmi Lambard Iohanni Smith et Ricardo Botrell heredibus et assignatis eorum contra omnes gentes warantizabimus imperpetuum In cuius rei testimonium huic presenti carte sigillum meum apposui Datum apud Sulueston die mercurij in festo sancti Barnabe apostoli anno regni regis Ricardi secundi post conquestum vicesimo secundo Hijs testibus Iohanne Saundres Iohanne Assheby Adam Chete de Foxlee Nicholao Godeman de Bradden Willelmo Turuyle de Wappenham et alijs
Source (click image below to view full size)
