Charter Document - 00370274
| Charter Number: | 00370274 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1316 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus presens scriptum visuris uel audituris Willelmus filius Ricardi Aufrey de Wytlebury salutem in domino sempiternam Noueritis me remisisse et relaxasse et omnino pro me et heredibus meis seu assignatis quibuscunque quietum clamasse deo et beate Marie de Luffeld et monachis ibidem deo seruientibus totum ius clamium et quod habui uel aliquo iure habere potui in vno denario annui redditus proueniente de quodam tenemento quod Galfridus cocus quondam tenuit in uilla et in campis de Witlebury Ita vero quod nec ego dictus Willelmus nec heredes mei nec assignati nec aliquis alius in nomine nostro in predicto redditu aliquod ius uel clamium decetero exigere reclamare seu vendicare poterimus set ab omni accione et demanda exclusi sumus in perpetuum per presentes In cuius rei testimonium huic presenfi quiete clamancie sigillum meum apposui Hijs testibus Galfrido de Brandeston Thoma de Maydeford Willelmo de Slapton de Wytlebury Henrico Wuwie de eadem Roberto Doget de eadem et aliis Datum apud Luffeld die iouis in festo sancti Iohannis ante portam latinam anno regni regis Edwardi filij regis Edwardi nono
Source (click image below to view full size)
