Charter Document - 00370260
| Charter Number: | 00370260 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Pledge |
| Date: | 1296 |
| Date type: | Internal, Feast, Regnal |
| Resource Link(s): |
|
Charter:
Notum sit omnibus ad quos presens scriptum peruenerit quod ego Iohannes filius Iohannis de Abbetrop et heredes mei et quicumque mei assignati tenemur et per presentes obligatos esse fatemur ad defendendum et acquietandum priorem et monachos de Luffeld et eorum successores inperpetuum uersus capitales dominos feodi et omnes alios de omnimodis seruicijs exaccionibus consuetudinibus et quibuscunque alijs demandis que de terris tenementis et redditibus exigi potuerint que uel quas dicti prior et monachi habent in villa et campis de Abbetrop ex dono et feoffamento Willelmi filij Henrici de Abbetrop prout in cartis dicti Willelmi eisdem priori et monachis inde confectis plenius testatur Et ego dictus Iohannes et heredes mei et quicumque mei assignati uel quicumque dominium terre mee in posterum possidebit dictas terras tenementa et redditus cum omnibus pertinencijs suis dictis priori et monachis et eorum successoribus contra omnes gentes warantizabimus defendemus et ab omnibus que a predictis terris tenementis et redditibus ullo modo uel ullo iure uel aliquo casu contingente exigi potuerint acquietabimus et dictos priorem et monachos in omnibus uersus dominos feodi et omnes alios indempnes conseruabimus Concessi eciam dictis priori et monachis pro me et heredibus meis et quibuscumque meis assignatis quod nulla districcio uel molestia aut grauamen eis fiat super dictam terram aut tenementum pro quacumque causa uel facto In cuius rei testimonium huic presenti scripto sigillum meum apposui Hijs testibus Iohanne de Tingewyk Rogero Tremenel de Foxcott Iohanne atehache de Abbetrop Iohanne Iosep de Touecestr Iordano Bere de eadem Rogero Wint de eadem Thoma fabro de eadem Datum apud Abbetrop in festo natiuitatis sancti Iohannis baptiste anno regni regis Edwardi vicesimo quarto
Source (click image below to view full size)
