Charter Document - 00370256
| Charter Number: | 00370256 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1348 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Agnes Boterel de Selueston dedi concessi et hac presenti carta mea confirmaui Margerie Boterel filie Iohannis Boterel seruienti mee vnam acram terre mee arabilis iacentem in campo de Abethrop super le Wowelond inter terram prioris de Luffelde ex vna parte et le Brodebalke et extendit into le Brodemede in vno capite Habendam et tenendam predictam acram terre mee arabilis predicte Margerie seruienti mee heredibus suis et suis assignatis libere et quiete bene et in pace de capitalibus dominis feodi illius per seruicia pro tanta porcione terre debita et de iure consueta Et ego predicta Agnes Boterel heredes mei et mei assignati totam predictam acram terre mee arabilis cum omnibus suis pertinenciis predicte Margerie Boterel seruienti mee heredibus suis et suis assignatis contra omnes gentes warantizabimus et acquietabimus inperpetuum In cuius rei testimonium huic presenti carte mee sigillum meum apposui Datum apud Suluestun predictum die Iouis in festo sancti Edmundi regis et martiris anno regni regis Edwardi tercij a conquestu vicesimo secundo Hiis testibus Willelmo de Braunstone Hugone Rykelot de Suluestun Iohanne de Abethrop Petro de Braunston Hugone Thommes de Selueston et aliis
Source (click image below to view full size)
