Charter Document - 00370252
| Charter Number: | 00370252 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 - 1260 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Henrici de Abbethrop dedi et concessi et hac presenti carta mea confirmaui deo et beate Marie de Luffeld et monachis ibidem deo seruientibus sex rodas terre et vnam rodam prati super Redichhull cum omnibus pertinenciis suis in campo de Abbethrop Tenendas et habendas de me et heredibus meis sibi et successoribus suis in liberam et puram et perpetuam elemosinam adeo libere et quiete et pure sicuti aliqua elemosina melius uel liberius poterit dari uel teneri Ego uero dictus Willelmus et heredes mei uel mei assignati uel quicumque dominium terre mee inposterum possidebit dictas sex selliones cum dicta roda prati et pertinenciis dictis monachis et eorum successoribus contra omnes gentes vtriusque legis warantizabimus defendemus et ab omnibus que a predicta terra et prato et pertinenciis vllo modo uel vllo iure uel aliquo casu contingente exigi potuerint adquietabimus et dictos priorem et monachos in omnibus versus dominum feodi et omnes alios indempnes conseruabimus Concessi eciam dictis priori et monachis pro me et heredibus meis quod nulla districcio uel molestacio aut grauamen eis fiat super dictam terram et pratum nec pro terra et prato pro quacumque causa uel facto Vt autem hec mea donacio et carte mee confirmacio firma et stabilis imperpetuum preserueret huic presenti scripto sigillum meum apposui in testimonium Hiis testibus Willelmo de Braundestun Ricardo de Seluestun clerico Roberto de Lestre Willelmo Cardun Henrico Amyun Galfrido le Hore Galfrido Dipres Galfrido coko et multis aliis
Source (click image below to view full size)
