Charter Document - 00370250
| Charter Number: | 00370250 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1274 - 1280 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum visuris vel audituris peruenerit Rogerus filius Iohannis de Abethrop salutem in domino sempiternam Noueritis me diuine caritatis intuitu et pro salute anime mee et omnium antecessorum et successorum meorum remisisse et omnino pro me et heredibus meis imperpetuum quietum clamasse deo et ecclesie beate Marie de Luffeld priori et monachis ibidem deo seruientibus totum ius et clameum quod habui vel habere potui in vna acra terre cum pertinencijs quam Walterus Bacoun de Silueston natiuus predictorum prioris et monachorum aliquando de me tenuit in campis de Abethrop Ita videlicet quod nec ego predictus Rogerus nec heredes mei nec aliquis nomine nostro in predicta acra terre cum pertinencijs ius nec clameum redditum vel seruicium aliquo modo exigere vel vendicare potuerimus nec debemus inperpetuum In cuius rei testimonium presenti scripto sigillum meum apposui Hijs testibus Rogero Trimenel de Foxcote Willelmo de ripa de Wappenham Iohanne de la hecke de Abethrop Iohanne Iosep de Thouecestr Reginaldo clerico de Heymundecote Ricardo Auuerey de Wytlebury Willelmo Chardoun de Silueston et alijs
Source (click image below to view full size)
