Charter Document - 00370249
| Charter Number: | 00370249 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1270 - 1274 |
| Date type: | Assigned |
| Resource Link(s): |
|
Charter:
Sciant presentes et futuri quod ego Galfridus Balde de Abetrop dedi et concessi et hac presenti carta mea confirmaui Waltero Bakun pro homagio et seruicio suo et pro quinque solidis et quatuor denariis sterlingorum quos michi dedit premanibus duas rodas terre in campo orientali de Abetrop scilicet Biyondewode quarum vna roda iacet in Brockesturneforlong iuxta terram domini prioris de Luffeud et alia roda iacet at Heywodesnape in Godwyneshale iuxta terram Rogeri filii Iohannis de Abetrop Tenend et habend dictas duas selliones cum pertinenciis de me et heredibus meis predicto Waltero et heredibus suis uel suis assignatis uel cuicumque vendere uel dare legare seu assignare uoluerit bene et in pace libere et quiete et hereditarie Reddendo inde annuatim michi et heredibus meis predictus Walterus et heredes sui uel sui assignati vnum obolum pro omni seruicio cuiuscumque curie secularibus exaccionibus et demandis saluo forinseco domini regis seruicio Ego prefatus uero Galfridus et heredes mei predicto Waltero et heredibus suis uel sui assignati predictas duas selliones cum capiciis suis contra omnes gentes warantizabimus acquietabimus et defendemus inperpetuum Vt autem hec mea donacio et presentis carte mee confirmacio rata et inconcussa inperpetuum permaneat presens scriptum sigilli mei impressione muniui Hiis testibus Willelmo de aula de Abetrop Galfrido West de eadem Hugone filio Ricardi de eadem Hugone filio Willelmi de eadem Ricardo Bakun de Chaldelake Roberto Pelot de eadem et aliis
Source (click image below to view full size)
