Charter Document - 00370244
| Charter Number: | 00370244 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 - 1260 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Henrici de Abbethrop dedi et concessi et hac presenti carta mea confirmaui deo et beate Marie de Luffeld et monachis ibidem deo seruientibus homagium et seruicium Albrici filii Ricardi Cardun et homagium et seruicium Willelmi filii Agnetis et homagium et seruicium Albrici filii Willelmi Pugeys cum redditu dictorum Albrici filii Cardun et Albrici filii Willelmi Pugeys scilicet ex vniusquisque eorum vnum denarium ad Nathale domini et cum redditu Willelmi filii Agnetis scilicet tres obolos ad Nathale domini Tenenda et habenda omnia prenominata de me et heredibus meis sibi et successoribus suis in liberam et puram et perpetuam elemosinam adeo libere quiete et pure sicuti aliqua elemosina melius uel liberius poterit dari uel teneri Et ego uero dictus Willelmus et heredes mei uel mei assignati uel quicumque dominium terre mee inposterum possidebit dicta homagia prenominatorum Willelmi filii Agnetis et Albrici filii Willelmi Pugeys et Albrici filii Ricardi Cardonis cum eorum seruiciis releuiis wardis escaetis et omnibus aliis que ullo modo uel vllo iure uel aliquo casu contingente michi et heredibus meis accidere possint dictis monachis et eorum successoribus contra omnes gentes vtriusque legis uel sexus warantizabimus adquietabimus et defendemus in omnibus Vt autem hec mea donacio et carte mee confirmacio rata et stabilis imperpetuum preserueret huic presenti scripto sigillum meum apposui in testimonium Hiis testibus Willelmo de Braundestun Ricardo clerico de Selueston Roberto de Lestre Willelmo Cardun Henrico Amyun Galfrido le Hore Galfrido Dipres Galfrido coco et aliis
Source (click image below to view full size)
