Charter Document - 00370239
| Charter Number: | 00370239 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 - 1260 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Henrici de Abbethrop dedi et concessi et hac presenti carta mea confirmaui deo et beate Marie de Luffelde et monachis ibidem deo seruientibus tres rodas terre in Godwineshawe cum omnibus pertinenciis suis in campis de Abbethrop scilicet dimidiam acram inter terram Hugonis le prouost et terram Willelmi West et vnam rodam inter terram Hugonis le prouost et terram Ricardi filij Ricardi de Abethrop Tenendas et habendas de me et heredibus meis sibi et successoribus suis in liberam et puram et perpetuam elemosinam adeo libere et quiete et pure sicuti aliqua elemosina melius uel liberius poterit dari uel teneri Ego uero dictus Willelmus et heredes mei uel mei assignati uel quicunque dominium terre mee inposterum possidebit dictas tres rodas terre cum pertinenciis dictis monachis et eorum successoribus contra omnes gentes vtriusque legis warantizabimus defendemus et ab omnibus que a predicta terra et pertinenciis vllo modo uel vllo iure uel aliquo casu contingente exigi poterunt adquietabimus et dictos priorem et monachos in omnibus versus dominum feodi et omnes alios indempnes conseruabimus Concessi eciam dictis priori et monachis pro me et heredibus meis quod nulla districcio vel molestacio aut grauamen eis fiat super dictam terram nec pro terra pro quacumque causa uel facto Vt autem hec mea donacio et carte mee confirmacio firma et stabilis imperpetuum preserueret huic presenti scripto sigillum meum apposui in testimonium Hijs testibus Willelmo de Brantesdun Ricardo de Seluestun clerico Roberto de Lestre Willelmo Cardun Henrico Amiun Galfrido le Hore Galfrido Dipres Galfrido coco et aliis
Source (click image below to view full size)
