Charter Document - 00370237
| Charter Number: | 00370237 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 - 1260 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Henrici de Abbethrop dedi concessi et hac presenti carta mea confirmaui deo et beate Marie de Luffelde et monachis ibidem deo seruientibus sex rodas terre et vnam rodam prati super Redixhul et quinque seliones super Brokkeshurnefurlong scilicet vnam rodam prati inter Robertum filium Willelmi et Hugonem le prouost et duas rodas inter terram Radulphi Pompe et Hugonis le prouost et vnam rodam inter terram Iohannis le Rus de Slaptun et Nigelli de Abbethropp et vnam rodam inter terram Willelmi West et Hugonis le prouost et vnam dimidiam acram terre inter terram Nigelli de Abbethropp et Roberti de Lestre et vnam dimidiam acram terre inter terram Willelmi West et Hugonis le prouost et vnam rodam inter terram Hugonis le prouost et Radulphi Pompe et vnam rodam inter terram Nel de Abbethropp et Roberti de Lestre et vnam rodam inter terram Willelmi West et Hugonis le prouost Tenendas et habendas de me et heredibus meis sibi et successoribus suis in liberam et puram et perpetuam elemosinam adeo libere et quiete et pure sicuti aliqua elemosina melius vel liberius poterit dari vel teneri Ego vero dictus Willelmus et heredes mei vel mei assignati vel quicumque dominium terre mee imposterum possidebit dictas rodas terre cum dicta roda prati et pertinencijs dictis monachis et eorum successoribus contra omnes gentes vtriusque legis warantizabimus defendemus et ab omnibus que a predicta terra et prato pertinent vllo modo vel ullo iure vel aliquo casu contingente exigi poterunt adquietabimus et dictos priorem et monachos in omnibus uersus dominum feodi et omnes alios indempnes conseruabimus Concessi eciam dictis priori et monachis pro me et heredibus meis quod nulla districcio vel molestacio aut grauamen eis fiat super dictam terram et pratum nec pro terra et prato pro quacumque causa vel facto Vt autem hec mea donacio et carte mee confirmacio firma et stabilis imperpetuum preserueret huic presenti scripto sigillum meum apposui in testimonium Hijs testibus Willelmo de Brandestun Ricardo de Seluestun clerico Roberto de Lestre Willelmo Cardun Henrico Amyun Galfrido le hore Galfrido Dipres Galfrido coco et multis alijs
Source (click image below to view full size)
