Charter Document - 00370229
| Charter Number: | 00370229 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Settlement, Agreement, Memorandum |
| Date: | 1309 |
| Date type: | Internal, Calendar, Regnal |
| Resource Link(s): |
|
Charter:
Memorandum quod cum controuersia mota est inter fratrem Willelmum priorem de Luffelde et eiusdem loci conuentum ex parte vna et Willelmum le Bonde de Chaldelake et Auelinam vxorem eius ex altera super quibusdam transgressionibus hinc inde factis et illatis tandem ex communi amicorum concensu predicta controuersia conquieuit in hunc modum videlicet quod predictus prior et conuentus dimiserunt et omnino relaxauerunt predicto Willelmo et Aueline vxoris sue omnem accionem transgressionem seu calumpniam per predictum Willelmum et Auelinam eisdem priori et conuentui factas seu illatas de toto tempore preterito vsque ad diem confeccionis istius littere ita quod predictus prior et conuentus seu aliquis alius de eorum familia predictum Willelmum et Auelinam occasione transgressionum prius factas vel illatas pro toto tempore prenotato nullo modo grauabunt vexabunt seu aliquo alio modo calumpniabunt Predictus vero Willelmus le Bonde et Auelina vxor eius consimili modo predictis priori et conuentui et eorum familie omnem accionem transgressionem seu calumpniam eisdem factas seu illatas de toto tempore preterito vsque ad diem confeccionis istius littere dimiserunt et omnino relaxauerunt In cuius rei testimonium tam predictus prior et conuentus quam predictus Willelmus et Auelina presentibus scriptis bipartitis sigilla sua apposuerunt Datum apud Towcestr sexto die Aprilis anno regni regis Edwardi filij regis Edwardi secundo
Source (click image below to view full size)
