Charter Document - 00370224
| Charter Number: | 00370224 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1231 - 1235 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohannes Marescallus intuitu pietatis et caritatis et pro salute anime mee et vxoris mee Aline et puerorum meorum et antecessorum et successorum meorum dedi et concessi et hac presenti carta mea confirmaui deo et beate Marie et monachis de Luffeud ibidem deo seruientibus duodecim acras de bosco meo de Norton sitas inter assartum predictorum monachorum ex vna parte et Burchotrode ex altera in latitudine Et inter le Stonislow et trencatum de Piri in longitudine mensuratas per perticam domini regis Et insimul duas acras iuxta assartum Willelmi de Pauilli extendentes inter dictum trencatum de Piri et trencatum venientem de Lillingeston vsque ad Piri per predictam perticam mensuratas Tenendas et habendas de me et heredibus meis sibi et successoribus suis in liberam et puram et perpetuam elemosinam libere et quiete ab omnibus seruiciis secularibus et demandis que ad me et ad heredes meos pertinent vel a nobis exigi possint imperpetuum Ego uero Iohannes Marescallus et heredes mei predictas acras cum pertinenciis predictis monachis et eorum successoribus contra omnes gentes inperpetuum warantizabimus Et ne temporis processu alicuius machinacione hec mea donacio et confirmacio in irritum et indampnum dictorum monachorum reuocetur presens scriptum sigilli mei impressione dignum duxi confirmare Hiis testibus Rogero clerico meo Willelmo de Clarisuallibus Willelmo de Camera Wyberto ianitore Iohanne Trimenel Willelmo de Yrpres Ricardo filio Ernaldi de Selueston Willelmo de Branteston Ricardo Kardon et multis aliis
Source (click image below to view full size)
