Charter Document - 00370219

Nouerint vniuersi presentes conuenciones factas inter fratrem Willelmum de Horewode priorem monasterij beate Marie de Luffelde et eiusdem loci conuentum ex parte vna et Henricum Grene militem ex altera quod nos predicti prior et conuentus unquam recolentes obsequia que prefatus Henricus nobis et domui nostre lapsis temporibus gratanter attribuit ac nos quampluries languentes per inopia bonorum suorum temporalium largiccione sullimauit et ne rerum epulencia labessente in religionis nostre desolacionem inopinate decidamus caritatis sue manum nobis indefinenter actenus apparuit et eo potissimum quod dictus Henricus perpetue religionis firmitatem in nobis radicare desiderans centum marcas die confeccionis presencium ad cooperturam chori nostri de Luffelde quem recto plumbeo vesturi decreuit nobis et domui nostre predicte amplifice contribuit ita quod alijs vsibus nullo modo imponantur cuius decreti propositum deo iuuante per operis perfeccionem in breui confirmabitur Nos dicti prior et conuentus prefatum Henricum et heredes suos spirituali remuneracione pro premissis eternaliter mutua conuencione premoneate fulciri proponimus quare vnanimo consensu concedimus prefato Henrico et heredibus suis imperpetuum videlicet quod predictus Henricus in vita sua idoneam personam ad habitum religionis in domo nostra predicta sumendum priori loci predicti qui pro tempore fuerit presentabit qui quidem prior personam sic per ipsum Henricum presentatum de consensu capituli sui in domum suam admittet et ipsum monachurn regularem prout moris est in eadem instituet et ipse sic institutus cum beneficium sacerdotalem optinuerit cotidie si commode potuerit sine fraude vel malo ingenio diuina celebrauit in ecclesia conuentuali prioratus de Luffelde et pro salubri statu ipsius Henrici et heredum suorum dum vixerint necnon pro animabus eorum cum ab hac luce migrauerunt et pro animabus parentum et omnium benefactorum eius Et concedimus quod a tempore confeccionis presencium quousque idem Henricus heredes sui aliquem in forma predicta presentauerit et ipse presentatus admissus et institutus fuerit et presbiteri officium exercuerit aliquem monachum nostrum capellanum ad predicta diuina seruicia cotidie facienda vt predictum est assignabimus Et cum dictus presentatus et admissus cursum rite sue consumauerit vel quacumque ex causa ab ordine predicto fuerit absolutus prefatus Henricus vel heredes sui successiue aliam idoneam personam in domum predictam admittendam et ad predicta in forma predicta perficienda priori loci predicti presentabunt imperpetuum ira tunc quod domus predicta de sumptibus vesturis primi ingressus cuiuslibet presentati non oneretur et quod omnes presentati per dictum Henricum vel heredes suos faciant obseruantque in omnibus secundum regulam et constitutiones ordinis domus predicte Et conuenit inter partes predictas quod si contingat aliquem per prefatum Henricum vel heredes suos presentatum per aliquam iustam et euidentem causam per dictos priorem et conuentum recusari vel quod idem Henricus aut heredes sui post mortem vel absolucionem ordinis alicuius sic presentati nullum per tempus semestre a tempore premunicionis eis inde facte priori et conuentui in forma predicta presentabunt tunc idem prior et conuentus libere possunt aliquam idoneam personam eligere et ipsum sic electum prefato Henrico vel heredibus suis offerre et idem Henricus vel heredes sui eundem electum priori et conuentui predictis presentabunt que ad presentacionem suam admittetur in domum predictam et in eadem instituetur in forma predicta ira quod semper et successiue vna idonea persona ad presentacionem dicti Henrici et heredum suorum in domum predictam admittetur et instituetur vt predictum est Et preterea nos dicti prior et conuentus concedimus quod statim post mortem vel absolucionem ordinis cuiuscumque sic presentati vt predictum est nos et successores nostri alium monachum capellanum domus nostre predicte ad dicta diuina seruicia modo debito facienda ut predictum est deputabimus quousque idem Henricus vel heredes sui allure loco ipsius qui obijt vel ab ordine absolutus fuit in forma presentauerit et ipse sic presentatus admissus munus sacerdotale consecutus fuerit Et si quis sic presentatus et adlnissus ad aliquod officium in domo predicta vel in priorem eiusdem domus vel abbatem alterius domus cuiuscumque electus vel infirmitate pregrauatus fuerit vel ordinem apostatauerit per quod ad diuina seruicia predicta facienda intendere non possit nos et successores nostri aliquem alterum monachum capellanum ad diuina seruicia predicta cotidie in ecclesia predicta facienda substituemus ita quod vna missa in ecclesia nostra predicta et alia diuina seruicia pro salubri statu dicti Henrici et heredum suorum dum vixerint necnon pro animabus eorundem cum ab hac luce migrauerunt et pro animabus parentum et omnium benefactorum eius cotidie celebrent vt predictum est Et nos dicti prior et conuentus concedimus pro nobis et successoribus nostris quod quandocumque contingat aliquem monachum domus nostre predicte ad diuina seruicia predicta facienda quacumque ex causa predicta per nos vel successores nostros assignari vel deputari nos et successores nostri certificabimus prefatum Henricum et heredes suos de nomine cuiuscumque sic per nos assignati vel deputati imperpetuum Et volumus quod quilibet capellanus qui pro tempore fuerit cotidie ante introitum misse ad populum conuersus roget circumstantes dicere oracionem dominicam cum salutacione beate Marie pro salute vite et animarum predictorum Henrici et heredum suorum necnon pro animabus predictis vt predictum est et ea per se complete dicat ita quod habere et amici dicti Henrici possint habere noticiam de sustentacione cantarie predicte Et concedimus quod ad quamlibet missam predicti presentati vel deputati preter ad missam quatuor temporum dicant cotidie hec collecte Deus qui caritatis dona et Inclina domine cum ceteris eisdem collectis ad missam presentibus Et quia fratres et successores nostri posteris temporibus nobis succedentes pro eo quod quicquid sibi de beneficijs et donis supradictis manibus suis non applicuerunt predicta diuina seruicia liberius se posse pretermittere putabunt et ne ipsi tall sinistra meditacione laqueati contra presentes conuenciones dicta sacra solacia in extremum transire paciantes nos dicti prior et conuentus loci predicti ad omnia predicta facienda et exequenda obligamus nos et successores nostros et ecclesiam nostram de Luffelde imperpetuum Et ad maiorem premissorum securitatem concedimus quod si contingat nos vel successores nostri in diuinis seruicijs predictis in forma predicta facienda et exequenda cessare contra formam predictam aut idoneam personam ad presentacionem predicti Henrici vel heredum suorum in habitum religionis admittendam contra formam predictam recusare quod tunc dictus Henricus et heredes sui defaltam comptam nuncient priori et conuentui in presencia testium fidedignorum minitentes eisdem priori et conuentui quod perficiant omnia suprascripta et nisi fecerint infra mensem post premonicionem eis sic factam si sine lite et euidencia probari poterit modo quo iuris exposcit autoritas quod idem Henricus et heredes sui possint distringere in prioratu nostro de Luffeld et in omnibus terris et tenementis eidem adiacentibus et in manerio nostro de Thorneburgh et districciones retinere quousque de omnibus et singulis supradictis que ad nos pertinent in hac parte faciendis plenarie fuerit satisfactum et completum simul cum tot missis que aretro fuerint ita quod predictus Henricus nec heredes sui dampna aliqua non recuperent virtute districcionis predicte alia quam diuina seruicia supradicta Et ego dictus Henricus concedo pro me et heredibus meis quod bene liceat cuicumque capellano ad cantariam predictam quouismodo assignato celebrare missam quamcumque voluerit dum tunc populum roget in principio misse dominice dicere oracionem dominicam cum salutacione beate Marie vt predictum et alias oraciones supradictas Et in omnium promissorum testimonium ego dictus Henricus huic parte indentate penes prefatos priorem et conuentum remanenti sigillum meum apposui Datum apud Luffelde die veneris proxima ante diem dominicam in ramis palmarum anno regni regis Edwardi tercij post conquestum quadregesimo secundo in presencia dicti prioris et Simonis de Eston subprioris Ricardi de Gornewayle Ade de Esten et omnium aliorum religiosorum eiusdem domus presentibus eciam Iohanne de Pauelly milite Ricardo de Towecestr Willelmo Dille Thoma Saundres Willelmo Turvil Roberto de Isham et alijs testibus ad hec vocatis et rogatis