Charter Document - 00370217
| Charter Number: | 00370217 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 - 1270 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohannes filius Simonis le Saluage dedi et concessi et hac presenti carta mea confirmaui Henrico de Stoteuile pro homagio et seruicio suo et pro duabus marcis argenti quas michi dedit premanibus in gersumo solarium et selarium que quondam fuerunt Simoni le Saluage patri meo cum tanta latitudine curie quantum solarium et celarium habent longitudinem et se extendunt a capitali domo mea vsque domum quam dedi Alicie sorori mee Tenendum et habendum dictum solarium et celarium cum dicta curia vt prenominatum est de me et heredibus meis sibi et heredibus suis vel suis assignatis libere et quiete bene et in pace et hereditarie Reddendo inde annuatim michi et heredibus meis ille vel heredes sui vel sui assignati septem denarios ad festum sancti Michaelis pro omnibus secularibus seruicijs sectis consuetudinibus et demandis ad me vel ad heredes meos pertinentibus Et ego dictus Iohannes et heredes mei dicto Henrico et heredibus suis vel suis assignatis dictum solarium et celarium cum dicta curia sicut prenominatum est contra omnes homines et feminas per predictum seruicium warantizabimus et defendemus imperpetuum Et vt hec mea donacio et concessio et carte mee confirmacio rata sit et stabilis presenti scripto sigillum meum apposui Hijs testibus Wiberto ianitore Iohanne Trimerel Hugone de Burkot Stephano de Galdecot Ricardo de la Wodehalle Galfrido forestario Galfrido Bawdewyn Ricardo ad aquam Willelmo de Brakelay et multis alijs
Source (click image below to view full size)
