Charter Document - 00370216

Sciant presentes et futuri quod ego Wybertus le porter de Touecestr concessi et hac presenti carta mea confirmaui pro me et heredibus meis Henrico de Stoteuile in Touecestr et heredibus suis et suis quibuscunque assignatis vnam acram et dimidiam acram terre cum pertinenciis in campis de Burkot illam uidelicet terram quam Felicia quondam vxor Edwardi de Touecestre dedit predicto Henrieo pro homagio et seruicio suo vnde vna roda et dimidia roda abuttat in praturn Herberti usque ad la more de Burkot inter terram Willelmi de Bracker et terram Henrici de fonte et dimidia roda que abuttat in pratum dicti Herberti inter terram Galfridi Baudewyn et terram Radulfi Iosep et vna roda super Pushul que abuttat super foreram Agathe vxoris Willelmi forestarii inter terram Henrici de fonte et terram Ricardi del Wodehall et dimidia roda que iacet inter terram Hugonis de Burkot et terram Galfridi Baudewyn que se abuttat uersus croftum Rogeri de Oxenford et dimidiam rodam inter terram Wyberti ianitoris et Henrici de fonte in Ayleswell slade et dimidiam rodam inter terram dicti Galfridi et dicte Agathe et vna roda ultra que abuttat super foreram Henrici Steg uersus Toue inter terram Ricardi del Wodehall Henrici de fonte et dimidiam rodam super Alstoneshul inter terram Henrici Steg et la more Habendam et tenendam predictam acram et dimidiam acram terre cum pertinenciis suis predicto Henrico et heredibus suis et quibuscunque predictum tenementum cum pertinenciis dare vendere legare in testamento et assingnare uoluerit de me et de heredibus meis libere quiete bene et in pace inperpetuum Reddendo inde annuatim michi et heredibus meis vnam libram cumini ad festum omnium sanctorum pro omnibus seruiciis consuetudinibus sectis curie querelis demandis et exaccionibus Et sciendum est quod quietum clamaui pro me et heredibus meis dicto Henrico et heredibus suis quibuscunque suis assignatis vnum obolum annui redditus quod solebat reddere pro isto predicto tenemento Felicia quondam Edwardi de Toucestr sicut carta quam idem Henricus habet de dicta Felicia testatur ad Pascha quod quidem obolatus redditus predicta Felicia michi et heredibus meis pro se et heredibus suis quietum clamauit Ego uero dictus Wyrbertus et heredes mei predicto Henrico et heredibus suis quibuscunque suis assignatis totum predictum tenementum cum pertinenciis suis contra omnes homines et feminas per predictum seruicium warantizabimus et defendemus inperpetuum Vt autem hec mea concessio et carte mee confirmacio rata sit et stabilis inperpetuum huic presenti scripto pro me et heredibus sigillum meum apposui Hiis testibus Rogero le turk tunc seruiente de Touecestr Iohanne Tremerel Ricardo del Wodehall Galfrido Baudewyn Stephano de Galdekot Willelmo filio Henrici de Abtrop Rogero forestario Ricardo ad aquam Willelmo de Brakel clerico et aliis