Charter Document - 00370205

Omnibus Christi fidelibus ad quos presens scriptum peruenerit frater Radulphus prior de Luffelde et eiusdem loci conuentus salutem in domino sempiternam Nouerit vniuersitas uestra nos vnanimi assensu tocius capituli nostri dedisse concessisse et hac presenti carta nostra confirmasse Henrico filio Simonis Tere de Towcestr mesuagium nostrum quod fuit Henrici Stoteuile cum omnibus pertinencijs suis in villa de Towcestr pro homagio et seruicio suo et vnam acram terre et tres rodas in campis de Burcot cum pertinencijs suis Tenendum et habendum dictum mesuagium cum terra prenominata de nobis et successoribus nostris sibi et heredibus suis de se legitime procreatis libere et quiete bene et in pace ac hereditarie Reddendo inde annuatim ipse et heredes sui nobis et successoribus nostris dimidiam marcam argenti ad duos anni terminos scilicet ad Natiuitatem domini xl denarios et aduincula sancti Petri xl denarios et dominis feodi illius totum redditum et seruicium debitum et consuetum quantum dicto mesuagio et terre prenominate pertinet et domino regi forinsecum seruicium Dictis uero Henrico nec heredibus suis dictum mesuagium et terram nemini dabunt nec vendent nec inuadiabunt nec aliquo modo alicui impignorabunt sine assensu ac voluntate dictorum prioris et conuentus Et si ita contingat quod dictus Henricus sine herede de se legitime procreato in rata discedit dictum mesuagium cum terra et pertinencijs solutum et quietum nobis et successoribus nostris reuertetur Nos uero dicti prior et conuentus dictum mesuagium cum terra prenotata et pertinencijs suis dicto Henrico et heredibus suis contra omnes gentes warantizabimus prout antedictum est Vt autem ea que a nobis concessa sunt firma imperpetuum preseruerent huic presenti scripto sigillum ecclesie nostre apposuimus in testimonium Hijs testibus Ricardo de la Wodehalle Willelmo filio Hugonis de Burcot Iohanne filio Galfridi clerici Iohanne Ioseph Iohanne portario et multis alijs