Charter Document - 00370203

Omnibus Christi fidelibus ad quorum noticiam presens scriptum peruenerit nos frater Willelmus prior de Luffelde et eiusdem loci conuentus salutem in domino Noueritis quod nos tradidimus et dimisimus Alicie Yue ad terminum vite sue illud mesuagium quod situatur in villa de Towcestr inter tenementum Thome Loueloc et mesuagium quondam Iohannis Blundel Habendum et tenendum predictum messuagium cum pertinencijs libere bene et in pace predicte Alicie ad terminum vite sue de nobis et successoribus nostris Reddendo inde annuatim duos solidos et octo denarios argenti ad quatuor anni terminos vsuales in Towcestr per equales porciones et faciendo capitalibus dominis redditus et seruicia inde debita et consueta et forinsecum seruicium cum acciderit Et si predictus redditus aretro fuerit in parte vel in toto per quindecim dies post terminos statutos tunc bene liceat dictis priori et conuentui predictam Aliciam a predicto mesuagio expellere et intrare sine disseisina vel iniuria predicte Alicie faciendo et sic imperpetuum retinere simul cum omnibus bonis et catallis predicto mesuagio inuentis Et Alicia predictum mesuagium in adeo bono statu vel in meliori quo illud recepit sustentabit sumptibus suis proprijs ad totam vitam suam et sic illud dimittet Et nos predicti prior et conuentus et successores nostri predictum mesuagiu cum pertinencijs predicte Alicie ad totam vitam suam vt predictum est contra omnes gentes warantizabimus et defendemus In cuius rei testimonium huic indenture tam predicta Alicia quam nos prior et conuentus sigilla nostra apposuimus Hijs testibus Ricardo de Croulton Iohanne Sprudecok Thorna Louelok Iohanne Bosenho Iohanne Chardon et alijs Datum apud Luffelde die Iouis proxima post festum annunciacionis beate Marie virginis anno regni regis Edwardi tercij a conquestu vicesimo quarto