Charter Document - 00370202
| Charter Number: | 00370202 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1350 |
| Date type: | Internal, Feast, Regnal |
| Resource Link(s): |
|
Charter:
Nouerint vniuersi per presentes nos Willelmus prior de Luffelde et eiusdem loci conuentus tradidisse concessisse et ad terminum vite dimisisse Thome Scoth de Towcestr et Alicie vxori sue et Thome filio suo illud mesuagium situatum in Towcestr inter tenementum Thome Loueloc et tenementum quondam Iohannis Blundel Habendum et tenendum predictum mesuagium cum suis pertinencijs predictis Thome Alicie et Thome ad totam vitam eorum et vni eorum diucius viuenti libere bene et in pace de nobis et successoribus nostris Reddendo inde annuatim nobis et successoribus duos solidos et octo denarios argenti ad quatuor anni terminos vsuales in Towcestr per equales porciones et faciendo capitalibus dominis feodi seruicia inde debita et consueta et forinsecum seruicium cum acciderit Et si predictus redditus aretro fuerit in parte vel in toto per quindecim dies post terminos statutos tunc bene liceat nobis predictis priori et conuentui predictos Thomam Aliciam et Thomam a predicto mesuagio expellere et intrare sine disseisina vel iniuria predictis Thome Alicie et Thome faciendi et sic imperpetuum retinere simul cum omnibus bonis et catallis in predicto mesuagio inuentis Et predicti Thomas Alicia et Thomas predictum mesuagium in adeo bono statu vel meliori quo illud receperunt sustentabunt sumptibus suis proprijs ad totam vitam suam et sic illud dimittent Et nos predicti prior et conuentus et successores nostri predictum mesuagium cum pertinencijs predictis Thome Alicie et Thome ad totam vitam suam in forma predicta contra omnes gentes warantizabimus et defendemus In cuius rei testimonium huic indenture tam predicti Thomas Alicia et Thomas quam nos predicti prior et conuentus sigilla sua apposuimus Testibus Ricardo de Croulton Iohanne Sprudecok Thoma Loueloc Iohanne Bosenho Iohanne Chardon et alijs Datum apud Luffelde die iouis proxima post festum annunciacionis beate Marie virginis anno regni regis Edwardi tercij a conquestu vicesimo quarto
Source (click image below to view full size)
