Charter Document - 00370195
| Charter Number: | 00370195 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1270 - 1280 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohannes filius Galfridi de Burchote clerici assensu et concensu Dionisie vxoris mee dedi concessi et hac presenti carta mea confirmaui Symoni de Estoneston clerico et Iohanne vxori sue pro seruicio suo et pro sexdecim solidos sterlingorum quos michi dederunt premanibus in gersumam vnam acram terre arabilis cum pertinencijs in campo aquilonari de Thouecestr quatuor seyliones continentem que iacet super Cotmannehulle inter terras hospitalis de Thouecestre et Henrici pistoris de eadem et abuttat in campum de Esteneston super culturam que vocatur Chaldenhul Tenendam et habendam de me et heredibus suis uel eorum assignatis dictis Symoni et Iohanne et heredibus suis uel eorum assignatis uel cuicumque et quibuscumque dictam acram terre dare vendere assignare uel in extremis legare voluerit libere quiete integre hereditarie imperpetuum reddendo inde annuatim michi et heredibus meis uel meis assignatis vnam rosam ad festum beati Iohannis baptiste pro omnibus seruicijs consuetudinibus exaccionibus sectis curie et demandis secularibus Et ego predictus Iohannes et heredes mei uel mei assignati predictam acram terre cum pertinencijs predictis Symoni et Iohanne et heredibus suis uel eorum assignatis uel cuicumque et quibuscumque dare vendere assignare uel in extremis legare voluerint contra omnes homines et feminas tam iudeos quam cristianos warantizabimus acquietabimus et per predictum seruicium defendemus imperpetuum Vt autem hec mea donacio concessio warantizacio et presentis carte confirmacio rata et stabilis semper permaneant et presentem cartam sigilli mei impressione roboraui Hijs testibus Ricardo de la Wodehalle Roberto de Tingewyk in Burchot Iohanne le porter de eadem Iohanne Ioseph de Thouecestre Roberto le forester Willelmo Aneyne Willelmo Stegk de eadem et aliis
Source (click image below to view full size)
