Charter Document - 00370193
| Charter Number: | 00370193 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1270 - 1280 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohannes filius Galfridi clerici de Burcote dedi concessi et hac mea carta presenti confirmaui deo et beate Marie de Luffeld et monachis ibidem deo seruientibus duodecim denarios annui redditus de domo quam Willelmus filius prepositi de me tenuit in villa de Burcot pro salute anime mee et uxoris mee et Galfridi filij mei et omnium antecessorum et successorum meorum cunctorum que fidelium ad quatuor anni terminos percipiendos scilicet ad festum sancti Michaelis tres denarios et ad Nathale domini tres denarios et ad Pascha tres denarios et ad festum sancti Iohannis baptiste tres denarios Tenendum et habendum de me et heredibus meis uel meis assignatis dictum redditum dictis monachis et eorum successoribus in liberam puram et perpetuam elemosinam adeo libere et quiete sicut aliqua elemosina melius uel liberius siue purius poterit dari uel teneri Et ego uero dictus Iohannes et heredes mei et assignati dictum redditum dictis monachis et eorum successoribus contra omnes gentes warantizabimus acquietabimus et imperpetuum defendemus Vt autem hec mea donacio concessio et carte mee confirmacio imperpetuum preserueret huic presenti scripto sigillum meum apposui in testimonium Hiis testibus Ricardo clerico de Selueston Ricardo de la Wodehalle Iohanne Ioseph Henrico Baldewine Henrico Amiun Roberto forestario Henrico Tere et aliis multis
Source (click image below to view full size)
