Charter Document - 00370190
| Charter Number: | 00370190 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1220 - 1225 |
| Date type: | Assigned |
| Resource Link(s): |
|
Charter:
Sciant presentes et futuri quod ego Alexander filius Alicie de Touecestr dedi et concessi et hac presenti carta mea confirmaui pro salute anime mee et omnium antecessorum meorum et successorum deo et beate Marie de Luffeld et monachis ibidem deo seruientibus sex denarios annuatim percipiendos de quadam domo mea in Touecestr que est contra portam ecclesie ex opposito quam Iohannes Gos tenet de me Tenendos et habendos de me et heredibus meis scilicet ad festum beate Marie in Marcio tres denarios et ad festum sancti Michaelis tres denarios in liberam et puram et perpetuam elemosinam Si autem ego Alexander vel heredes mei cessauerimus soluere predictis monachis predictos sex denarios ad prenominatos terminos concedo et uolo quod ego et heredes mei a iudice ordinario loci per iudicium ecclesiasticum soluere compellamus uel michi eisdem monachis ad dictos terminos satisfacere competenter Prefatos autem sex denarios prefatis monachis ego Alexander et heredes mei contra omnes gentes warantizabimus imperpetuum In huius donacionis testimonium presenti scripto sigillum meum apponere procuraui Hiis testibus Iohanne persona de Towcestr Ernaldo capellano eiusdem ville Ernaldo clerico de Selueston Ricardo clerico de Luffeld Radulfo Bule Galfrido clerico de Burkot Wiberto forestario Roberto de Billing et alijs
Source (click image below to view full size)
