Charter Document - 00370188
| Charter Number: | 00370188 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1270 - 1280 |
| Date type: | Assigned |
| Resource Link(s): |
|
Charter:
Sciant presentes et futuri quod ego Alicia que fui vxor Henrici Steg de Towcestre in libera et pura viduitate mea dedi et concessi et hac presenti carta mea confirmaui deo et beate Marie de Luffelde et monachis ibidem deo seruientibus redditum duodecim denariorum de mesuagio et domibus et edificijs et omnibus alijs pertinencijs in Towcestr quod iacet inter mesuagium Henrici pistoris et mesuagium Roberti Tere recipiendo annuatim de manu Simonis Tere ad totam vitam suam et post obitum dicti Simonis de dicta Alicia et de heredibus suis vel suis assignatis pro anima mea et pro animabus omnium antecessorum meorum et successorum ad duos anni terminos scilicet ad Natale domini sex denarios et ad Pascha sex denarios Tenendum et habendum dictum redditum de me et heredibus meis dictis monachis et corum successoribus in liberam puram et perpetuam elemosinam Ego vero dicta Alicia et heredes mei vel mei assignati dictum redditum duodecim denariorum contra omnes gentes warantizabimus imperpetuum Et ut hec mea donacio concessio et carte mee confirmacio rata et stabilis permaneat huic presenti sigillum meum apposui in testimonium Hijs testibus Ricardo de la Wodehalle Willelmo de Burcot Iohanne clerico eiusdem ville Iohanne Iosep de Towcestre Henrico Baldewyne et multis alijs
Source (click image below to view full size)
