Charter Document - 00370180
| Charter Number: | 00370180 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Agreement, Quitclaim, Permission |
| Date: | 1216 - 1225 |
| Date type: | Assigned |
| Resource Link(s): |
|
Charter:
Sciant presentes et futuri quod hec est conuencio facta inter priorem et conuentum de Luffelde tenentem et Galfridum de Insula petentem scilicet super pastura cuiusdam essarti de bosco de Norton vnde contencio fuit inter eos quam prior et conuentus habent in liberam et perpetuam elemosinam de dono Willelmi de Clarisvallibus scilicet quod predictus Galfridus de Insula relaxauit et quietum clamauit de se et heredibus suis inperpetuum et omnibus tenentibus suis deo et beate Marie de Luffelde et conuentui eiusdem loci omne ius et clamium quod habuit vel habere potuit in pastura predicti essarti sub forma subscripta Pro hac relaxacione et quieta clamacione de dicto Galfrido et heredibus suis concessit predictus prior et conuentus de Luffelde predicto Galfrido et heredibus suis quod habeat in predicta pastura essarti viij boues de proprijs et de dominicis bobus suis cum bobus prioris et conuentus de Luffelde in haijs suis pascendis ubi prior pascet Preterea dictus prior et conuentus concesserunt dicto Galfrido et heredibus suis quod habeant omnia aueria sua propria et de domo sua exeuncia in Hecumdecote de propria natura sua in pastura in warectis et rebenis eiusdem assarti sine dampno bladorum vel pratorum dicti prioris et conuentus in parte illa nisi warectum et ribinum incidet esse annum Preterea dictus prior et conuentus concesserunt Galfrido de Insula et hominibus suis de Hecumdecote habendum vnum cheminum quod dat draua de terra Roberti de Paueli usque ad boscum de Norton in longitudine versus aquilonem et draua illa est de quatuor perticis lata usque ad terram Gregorij de Toucestr iuxta fossetum comitise et quelibet pertica est de sexdecim pedibus et dimidio lata et de terra Gregorij usque ad boscum de Norton est draua illa lata de tribus perticis quarum quelibet est de predicta latitudine Et sciendum est quod homines et tenentes predicti Galfridi de Insula et heredum suorum in predicto essarto nullam amplius communam potuerint exigere nisi predictam drauam Predictam uero pasturam et eiusdem pasture quietam clamanciam dictus Galfridus et heredes sui prenominatis priori et conuentui de Luffelde contra omnes suos tenentes warantizabunt inperpetuum Vt autem hec conuencio inter prefatos priorem et conuentum et dictum Galfridum et heredes suos firma et stabilis preserueret tam prior et conuentus de Luffelde quam prefatus Galfridus de Insula in testimonium presenti cirographo sigilla sua hinc inde duxerunt apponere Hijs testibus domino Radulpho Harang Radulpho filio eius Roberto Daumari Ricardo de Bello Campo Willelmo de Pauely Arnoldo clerico de Selueston Ricardo de Lega Roberto de Billing et alijs
Source (click image below to view full size)
