Charter Document - 00370179
| Charter Number: | 00370179 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease, Agreement |
| Date: | 1376 |
| Date type: | Internal, Feast, Regnal |
| Resource Link(s): |
|
Charter:
Nouerint vniuersi per presentes nos Willelmum priorem de Luffelde et eidem loci conuentum vnanimi et assensu tradidisse et ad terminum vite dimisisse Iohanni Hauerkus et Wodeburcote medietatem manerij nostri vocati Monekesbarne cum medietate terre prati pascuorum et pasture cum omnibus suis pertinencijs ad totum terminum vite sue videlicet illas domos vocatas aulas tres bayes uersus austrum extendentes versus boream et vnam bayam et dimidiam alterius domus versus aquilonem Habendam et tenendam predictam medietatem manerij cum medietatem terre prati pascuorum et pasture et cum omnibus proficuis et pertinencijs ad predictam medietatem spectantibus quouismodo predicto Iohanni ad totum terminum rite sue libere et in pace Reddendo inde annuatim nobis et successoribus nostris sexdecim solidos argenti ad quatuor anni terminos vsuales per equales porciones videlicet ad festum natiuitatis domini Pasche natiuitatis sancti Iohannis baptiste et festum sancti Michaelis archangeli Et si contingat quod predictum redditum aretro fuerit ad aliquem terminum prenominatum in parte uel in toto per quindenam tunc bene liceat nobis et successoribus nostris in predicta medietate manerij medietatem terre prati pascuorum pasture cum omnibus suis pertinencijs intrare et distringere et districciones suscaptas abducere asportare et retinere quousque de predictis uel eius arreragijs signe sint nobis et successoribus nostris plenarie fuerit satisfactum Et si ullus conueniens districcio ibidem inuenta fuerit per quindenam post predictam quindenam tunc bene liceat nobis et successoribus nostris in omnibus predictis ingredi et omnia predicta reasumere in manum nostram et predictum Iohannem expellere sine contradiccione quorumcumque Et predictus sustentabit et reparabit medietatem manerij predicti sumptibus suis proprijs et sic eam dimittet in adeo bono statu quo recepit vel in meliori Et predictus Iohannes habebit meremium in eodem loco crescentem ad sustentandum predictarum domorum per visum prioris seu eius celerarium nec liceat predicto Iohanni predictam medietatem manerij terre pratorum pascuarum et pasture cum suis pertinencijs alicui dimittere sine licencia predicti prioris seu eiusdem loci conuentus Et predictus Iohannes habebit housbote et haybote de boscis ad predictum spectantibus saluo semper nobis iure nostro Et preterea predictus Iohannes cum discesserit et obierit dabit pro heriotte sue sex solidos et octo denarios et faciet sectam curie nostre apud Selueston semel in anno videlicet ad festum sancti Michaelis si premonitus fuerit et eciam pro nobis et successoribus nostris debitus domini regis et forinseca ceruicia Et nos vero predicti prior et eiusdem loci conuentus et successores nostri omnia suprascripta cum omnibus eorum pertinencijs prefato Iohanni ad totum terminum rite sue in forma predicta contra omnes gentes warantizabimus In cuius rei testimonium hijs indentes partes predicte sigilla sua alternatim apposuerunt Hijs testibus Iohanne Walcote Thoma atte Welde Thoma Assheby Thoma atte Welle Iohanne Heffur et alijs Datum apud Luffelde in domo capituli nostri die ueneris proxima ante festum sancti Clementis pape anno regni regis Edwardi tercij post conquestum quinquagesimo
Source (click image below to view full size)
