Charter Document - 00370167
| Charter Number: | 00370167 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1220 - 1225 |
| Date type: | Assigned |
| Resource Link(s): |
|
Charter:
Omnibus ad quos presens scriptum peruenerit Willelmus de Clarisuallibus salutem Nouerit vniuersitas vestra me pro amore dei et pro salute anime mee et vxoris mee Ymenie et pro animabus predecessorum et successorum meorum dedisse et concessisse ecclesie sancte Marie de Luffelde et monachis ibidem deo seruientibus in liberam et puram et perpetuam elemosinam quater viginti acras terre cum pertinencijs in quodam angulo bosci de Norton que extendit se inter illam assartam quam dominus Galfridus filius Petri fecit de terra vxoris sue et assartam quam Henricus de Perie fecit assartare de terra comitis Baldwini et abuttat super terram Galfridi de Pauely Habendas et tenendas imperpetuum libere et quiete ab omni seruicio et exaccione seculari ad me vel ad heredibus meis pertinente Quare uolo ut predicti monachi prefatam terram cum pertinencijs adeo libere et quiete in eternum possideant sicut ego eam unquam melius et liberius possedi et ut ipsi capitalibus dominis feodi illius faciant seruicium annuatim quod ego eis inde facere consueui scilicet ut eis persoluant annuatim unum par calcarium deauratorum ad Pascha pro omne seruicio Et ut hec donacio perpetue firmitatis robur optineat ego eam presenti scripto sigilli mei apposicione roborato confirmaui Hijs testibus Radulpho Harang Radulpho filio eius Willelmo de Morton Ricardo de Grimmescote Anselmo filio eius Iohanne de Hulecote Arnaldo de Seluestone Henrico et Ricardo filijs eius Henrico de Brauntheston Willelmo et Iohanne filijs eius Roberto de Billing Ricardo filio Henrici clerici Iordano Iohanne Grispo Galfrido filio Henrici de Witlebury et alijs
Source (click image below to view full size)
