Charter Document - 00370160
| Charter Number: | 00370160 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Lease, Agreement |
| Date: | 1364 |
| Date type: | Internal, Feast, Regnal |
| Resource Link(s): |
|
Charter:
Nouerint vniuersi per presentes nos fratrem Willelmum Horewode priorem de Luffelde et eiusdem loci conuentum tradidisse concessisse et ad terminum vite dimisisse Henrico le Chapman de Seluestone Agnete vxori sue et Agnete filie eorum vnum mesuagium situatum in eadem inter tenementis Iohannis Hugonis ex vna parte et tenementum Galfridi Howes ex altera parte quod quidem mesuagium Willelmus Hardel de nobis quondam tenuit vna cum duobus sellionibus in crofto dicti mesuagij adiacente Habendum et tenendum predictum mesuagium cum crofto adiacente et cum omnibus pertinencijs suis de nobis et successoribus nostris predictis Henrico Agnete et Agnete ad terminum vite eorum vel vni eorum diucius viuenti libere et pacifice Reddendo inde annuatim nobis et successoribus nostris duodecim denarios argenti ad duos anni terminos per equales porciones videlicet ad festa annunciacionis sancte Marie et sancti Michaelis archangeli et secta curie ad visum franciplegiorum semel in anno pro omnibus seruicijs Et si predictus redditus fuerit aretro in parte vel in toto per quindecim dies post aliquem terminum prenominatum tunc bene liceat nobis et successoribus nostris in predicto mesuagio pro redditu aretro distringere et districciones effugare asportare et retinere quousque de predicto redditu arreragia nobis et successoribus nostris plenarie fuerit satisfactum Et si ulla districcio ad valorem redditus nostri in predicto mesuagio potuerit inueniri tunc bene liceat nobis et successoribus nostris predictos Henricum Agnetam et Agnetam de predicto mesuagio expellere et illud rehabere sine aliqua contradiccione dictorum Henrici Agnetis et Agnetis Et predictum mesuagium in adeo bono statu uel in meliori sustentabunt et dimittent quo illud receperunt Et predictus Henricus ad decessum vite sue nobis et successoribus nostris herietabunt et Agnes vxor dicti Henrici si post obitum viri sui predictum mesuagium tenere voluerit ad obitum suum insimul heriettabunt et Agnes filia dictorum Henrici et Agnetis si post vitam Agnetis matris sue prefatum mesuagium tenere voluerit in forma prescripta faciet Et predicti Henricus Agnes et Agnes stature quem de nobis in predicto mesuagio habebunt ulla absque licencia nostra et successoribus nostris dimittent Et nos predicti frater Willelmus de Horewode prior et conuentus et successores nostri predictum mesuagium cum crofto adiacente et cum omnibus suis pertinencijs predictis Henrico Agnete et Agnete ad terminum vite eorum vel vni eorum diucius viuenti pro predicto redditu in forma predicta contra omnes gentes warantizabimus In cuius rei testimonium hijs litteris indentatis quarum vna pars penes predictos Henricum Agnetem et Agnetem manet sigillum nostrum commune apposuimus Alteram autem partem que penes nos habuerimus predicti Henricus Agnes et Agnes sigillorum suorum impressione in premissorum testimonium gratis roborauerunt Testibus domino Willelmo Legat Thoma Assheby Stephano Vndel Iohanne le Mileward Galfrido Howes et alijs Datum apud Luffelde in capitulo nostro die dominica proxima ante festum sancti Petri in cathedra anno regni regis Edwardi tercij a conquesto tricesimo octauo
Source (click image below to view full size)
