Charter Document - 00370159
| Charter Number: | 00370159 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1402 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Willelmus Lambard de Syluestone dedi concessi et hac presenti carta mea indentata confirmaui Iohanni Webbe de eadem totum messuagium meum in Syluestone cum omnibus terris pratis pascuis et pasturis et omnibus aliis pertinencijs suis in campis de Syluestone et Abthropp que quondam fuerunt domini Thome Chapman vicarij de Stokepogeys ut in carta dicti domini Thome plenius patet messuagium vero predictum quod situm est inter messuagium Roberti Pogeys ex parte vna et messuagium quondam Osberti Warlond ex parte altera Habendum et tenendum predictum messuagium et terram cum omnibus suis pertinencijs prefato Iohanni Webbe heredibus et assignatis suis imperpetuum de capitalibus dominis feodi illius per seruicia inde debita et de iure consueta Reddendo inde annuatim priori et conuentui de Luffeld et eorum successoribus imperpetuum annualem redditum sex denariorum ad festum sancti Michaelis archangeli et annunciacionis beate Marie equis porcionibus Ita quod si contingat dictum annualem redditum sex denariorum aretro fore ad aliquem terminorum predictorum non solutum prefatus Iohannes vult et concedit pro se et heredibus suis per presentes quod tunc bene liceat dicto priori et conuentui et successoribus et assignatis eorum in predicto messuagio et pertinencijs suis distringere pro redditu predicto et districciones asportare effugare et retinere quousque de eodem redditu et suis arreragijs eis plenarie fuerit satisfactum In cuius rei testimonium hijs cartis indentatis alternatim sigilla nostra apposuimus Datum apud Syluestone in festo exaltacionis Sancte Crucis anno regni regis Henrici quarti post conquestum tercio Hijs testibus Ricardo Lambard Petro Gybonns Ricardo Hoker Iohanne Clement Iohanne Stauertone et alijs
Source (click image below to view full size)
