Charter Document - 00370158
| Charter Number: | 00370158 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease, Agreement |
| Date: | 1324 |
| Date type: | Internal, Regnal, Feast |
| Resource Link(s): |
|
Charter:
Omnibus Christi fidelibus ad quos presens scriptum peruenerit frater Iohannes prior de Luffelde et eiusdem loci conuentus eternam in domino salutem Nouerit vniuersitas vestra nos vnanimi assensu tocius capituli nostri in festo sancti Marci euangeliste anno regni regis Edwardi filij regis Edwardi septimodecimo concessisse et tradidisse Rogero filio Matilde vxoris Ricardi Cotesdeux de Selueston et Iohanne sorori eiusdem Rogeri seniori ad totam vitam eorum vel cui eorum diucius vixerit illud mesuagium in Selueston cum crofto adiacente et cum omnibus pertinencijs suis quod quidem mesuagium Agnes filia Iohanne Bercarie quondam de nobis tenuit vna cum duabus acris terre in campis de Selueston quarum dimidia acra iacet super Haselburmore iuxta terram quondam Henrici Pelet dimidia acra super Orundel iuxta terram quondam Ricardi clerici et vna acra in le Hech extra croftum quondam Iohannis le Goude et continet in se tres seliones et extendit se versus Rugh Habendum et tenendum dictum mesuagium et dictam terram cum omnibus pertinencijs suis ad totam vitam eorum et cui eorum diucius vixerit reddendo inde annuatim nobis et successoribus nostris tres solidos argenti ad duos anni terminos videlicet ad festum beate Marie in Marcio octodecim denarios et ad festum sancti Michaelis octodecim denarios et forinsecum seruicium domini regis cum euenerit et sectam vnicam ad curiam viceprioris pro omnibus seruicijs consuetudinibus exaccionibus et demandis salua nobis et successoribus nostris post decessum vtriusque eorum melius auerium suum nomine heriette Et si contingat dictos Rogerum et Iohannam seu aliquis eorum in parte vel in toto solucionis dicti redditus deficere vel cessare seu aliquod vastum vel destruccionem in dicto tenemento vel aliquam alienacionem quoquo modo facere extunc liceat nobis et successoribus nostris dictos Rogerum et Iohannam in dicto tenemento distringere et districciones retinere quousque de premissis plenarie fuerit satisfactum Nos vero dicti prior et conuentus et successores nostri dictum mesuagium et terram cum omnibus pertinencijs suis prenominatis Rogero et Iohanne quamdiu vixerint vel cui eorum diucius vixerit warantizabimus In cuius rei testimonium tam nos dicti prior et conuentus quam prenominati Rogerus et Iohanna sigilla nostra alternatim huic inde apposuimus Hijs testibus Galfrido de Brandeston in Selueston Willelmo filio eiusdem Waltero le Webbe de Seluestone et alijs
Source (click image below to view full size)
