Charter Document - 00370156
| Charter Number: | 00370156 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Manumission, Notification |
| Date: | 1450 |
| Date type: | Internal, Calendar, Regnal |
| Resource Link(s): |
|
Charter:
Omnibus Christi fidelibus ad quos presens scriptum peruenerit nos Alianora Dayerell vidua nuper relicta Iohannis Dayerell armigeri domini de Lyllyngston Dayerell in comitatu Bukk Paulus Dayerell et Thomas Dayerell filij predictorum Iohannis et Alianore salutem in domino sempiternam Sciatis nos prefatam Alianoram Paulum et Thomam manumississe et ab omni iugo seruitutis bondagij et villenagij pro nobis heredibus et assignatis nostris liberasse remisisse relaxasse et liberum fecisse Ricardum Reve de Sylueston housbondman cum omnibus terris tenementis bonis et catallis suis possessis et possidendis cum tota sequela sua et progenie de corpore ipsius Ricardi procreata et procreanda ita quod nec nos prefata Alianora Paulus seu Thomas nec aliquis nostrorum heredum nec assignatorum nostrorum nec aliquis nomine nostro seu alicuius nostrum aliquod ius titulum vel clameum racione alicuius seruitutis bondagij vel villenagij in predicto Ricardo Reve nec in aliquo de progenie sua de corpore suo procreata seu procreanda neque in terris tenementis bonis seu catallis eiusdem Ricardi nec heredum suorum exigere vendicare nec habere poterimus sed ab omni accione iuris tituli et clamei in hac parte nos prefata Alianora Paulus et Thomas heredes et assignati nostri sumus exclusi imperpetuum per presentes In cuius rei testimonium sigilla nostra apposuimus Datum apud Lyllyngston Dayerell predictum penultimo die mensis Septembris anno regni regis Henrici sexti post conquestum vicesimo nono Hijs testibus Iohanne Pynchebeke priore de Luffeld Thoma Clarell Iohanne Pygote Thoma Alayn armigeris Ricardo Harryes Iohanne Lambard de Sylueston predicto et multis alijs
Source (click image below to view full size)
