Charter Document - 00370155

Omnibus ad quos presens scriptum peruenerit nos Iohannes Louel dominus de Louell et Thomas Grene milites salutem in domino sempiternam Cum nuper lites et discordie mote et suborte fuerunt inter Iohannem priorem de Luffelde et eiusdem loci conuentum ex parte vna et Iohannem Lambard de Selueston Iohannem Harrys de eadem Iohannem Hunte de eadem Ricardum Knotte de eadem et Iohannem Colman de eadem ex parte altera de quadam communa pastura in quodam campo clauso vocato Chaldelakefelde parcella manerij dictorum prioris et conuentus de Chaldelake in comitatu Northampton in quo campo dicti Iohannes Iohannes Iohannes Ricardus et Iohannes asseruerunt et clamauerunt habere communam pasturam cum omnibus auerijs suis omni tempore anni quando campus ille iacet ad warectam et alijs temporibus a festo sancti Michaelis archangeli vsque ad festum annunciacionis beate Marie extunc proximum sequens qua causa dicti Iohannes Iohannes Iohannes Ricardus et Iohannes prosecuti fuerunt per breuem de transgressione in curia domini regis apud Westmonasterium tandem amicis interuenientibus inter partes predictas pax fuit conquieta et reformata in hunc modum videlicet quod tam dicti prior et conuentus pro se et successoribus suis quam dicti Iohannes Iohannes Iohannes Ricardus et Iohannes pro se et heredibus suis concesserunt et se submiserunt ad standum arbitrio decreto et iudicio Iohannis Barton senioris ex parte dictorum prioris et conuentus electi et Nicholai Lyrncascett ex parte dictorum Iohannis Iohannis Iohannis Ricardi et Iohannis electi Et si dicti Iohannes Barton et Nicholaus inter se concordare non possent in materia predicta extunc arbitrio decreto et iudicio dictorum Iohannis Louel et Thome Grene militum tanquam inparium ex communi consensu et assensu parcium predictarum electi ad que omnia et singula dicto arbitrio tangencia in materia predicta ex vtraque parte perimplenda tam dicti prior et conuentus quam dicti Iohannes Iohannes Iohannes Ricardus et Iohannes alternatim se obligauerunt Iohanni Barton iuniori in centum libris legalis monete super quo certis die et loco limitatis dictis Iohanne Barton seniore et Nicholao in materia predicta tractantibus inter se concordare non potuerunt qua propter remiserunt totam materiam predictam prefatis Iohanni Louel et Thome Grene militibus vt dicti arbitrij inparibus Nouerit vniuersitas vestra quod auditis coram nobis dictis Iohanne Louel et Thome Grene et declaratis vniuersis et singulis euidencijs per consilium dictorum prioris et conuentus ac eciam Iohannis Iohannis Iohannis Ricardi et Iohannis nos dicti Iohannes Louel et Thomas Grene milites ordinauimus adiudicauimus et finaliter decreuimus in materia predicta videlicet quod dicti Iohannes Iohannes Iohannes Ricardus et Iohannes et heredes sui non habebunt communam pasture in campo predicto cum auerijs suis [] partes in quodam prato vocato Alesaundresmede annuatim a festo sancti Michaelis archangeli vsque ad dictum festum purificacionis beate Marie extunc proximum sequens imperpetuum et post vtrumque terminum finitum annuatim dicti prior et conuentus et eorum successores habebunt et tenebunt dictum campum et pratum in separali imperpetuum Ordinauimus eciam et decreuimus quod dicte obligaciones deliberentur Thome Wodemerse ad custodiendum sub hac forma videlicet quod quecumque dictarum parcium contraueniens et non adimplens ordinaciones decreta et iudicia nostra in omnibus et singulis materijs predictis prolata quod eorum obligacio in firmo robore permaneat et deliberetur Iohanni Barton iuniori aut eius executoribus ad prosequendum et summam in dicta obligacione contentam leuandum ad opus partis aggrauate In cuius rei testimonium nos prefati Iohannes Louel et Thomas Grene milites presentibus sigilla nostra apposuimus Hijs testibus Thoma Wodeuyle Radulpho Parles Iohanne Gyffard et alijs Datum apud Chaldelake predicta decimo die Octobris anno regni regis Henrici quarto post conquestum duodecimo