Charter Document - 00370153
| Charter Number: | 00370153 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1262 - 1270 |
| Date type: | Assigned |
| Resource Link(s): |
|
Charter:
[Sciant presentes et futuri quod ego] Ricardus de Selueston clericus et Margeria vxor mea dedimus concessimus et hac [presenti carta nostra confirmauimus] domino Willelmo de Bradene pro seruicio suo et pro septem marcis argenti quas nobis dedit premanibus in gersumo nouem solidos annualis redditus de priore de Luffeld et eiusdem loci conuentu et de eorum successoribus annuatim percipiendos ad duos anni terminos scilicet ad festum annunciacionls beate Marie quatuor solidis et sex denarios et ad festum sancti Michaelis quatuor solidos et sex denarios quos quidem nouem solidos annualis redditus habuimus ex dono Iohannis de Foxle de tribus virgatas terre percipiendos in villa de Thornberwe quam quidem terram prior de Luffeld teneat in dominio Habendum et tenendum predictos nouem solidos annualis redditus cum omnibus suis pertinenciis et escaetis que inde nobis uel heredibus nostris aliquo iure poterint accidere predicto domino Willelmo et heredibus suis uel suis assignatis de nobis et heredibus nostris uel cuicunque dare vendere uel assignare voluerint libere quiete bene in pace integre in feodo et hereditarie inperpetuum Reddendo inde annuatim nobis et heredibus nostris uel nostris assignatis predictus Willelmus uel heredes sui uel sui assignati vnum denarium argenti ad pascha pro omnibus secularibus seruiciis curiarum sectis wardis releuiis forinsecis et omnimodis demandis que de predicto redditu uel pro predicto redditu exigi potuerint Et nos predicti Ricardus et Margeria et heredes nostri uel assignati nostri predictos nouem solidos annualis redditus cum omnibus suis pertinenciis sicut predictum est per predictum seruicium contra omnes gentes warantizabimus acquietabimus et defendemus inperpetuum Vt autem hec nostra donacio concessio warantizacio et presentis carte nostre confirmacio robur perpetuitatis optineant hanc presentem cartam sigillorum nostrorum impressione roborauimus Hiis testibus domino Roberto de Pauely domino Iohanne Lupo domino Roberto de Waunci Willelmo de la Riuere Willelmo de sancto Iohanne Ricardo de la Wodehalle Iohanne le porter Ricardo Aufre Rogero Trimenel Galfrido Turuile Iohanne ad ecclesiam Roberto de Solegraue Reginaldo de Heymund clerico Et multis aliis
Source (click image below to view full size)
