Charter Document - 00370152
| Charter Number: | 00370152 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease, Agreement |
| Date: | 1309 |
| Date type: | Internal, Feast, Regnal |
| Resource Link(s): |
|
Charter:
Notum sit omnibus hoc presens scriptum visuris uel audituris quod in festo purificacionis beate Marie anno regni regis Edwardi filii regis Edwardi secundo ita conuenit inter fratrem Willelmum priorem de Luffeld et eiusdem loci conuentum ex parte vna et Alanum Doget de Wytlebury et Willelmum filium suum ex altera videlicet quod dicti prior et conuentus tradiderunt et dimiserunt dicto Alano et Willelmo ad totam vitam illorum uel cuius eorum diucius vixerit illud mesuagium in Wytlebury cum curtilagio et cum omnibus pertinenciis suis quod situatum est inter mesuagium Willelmi de Slapton ex parte vna et mesuagium Iohannis le Chapman ex altera Habendum et tenendum dictum mesuagium cum omnibus pertinenciis suis ad totam vitam eorum uel cui eorum diucius vixerit libere quiete bene et in pace Reddendo inde annuatim dictis priori et conuentui et eorum successoribus sexdecim denarios ad duos anni terminos videlicet ad festum sancti Michaelis octo denarios et ad festum beate Marie in Marcio octo denarios et unicam sectam ad magnam curiam prioris pro omnibus aliis seruiciis secularibus exaccionibus et demandis saluo forinseco domini regis seruicio Et si contingat quod absit quod predictus Alanus uel Willelmus in solucione dicti redditus in toto uel in parte defecerint uel distruccionem uel vastum aut aliquam alienacionem sine licencia et voluntate predicti prioris et conuentus in dicto tenemento quoquo modo fecerint extunc bene licebit dictis priori et conuentui dictum Alanum et Willelmum in dicto tenemento pro voluntate sua distringere et districcionem retinere quousque de premissis eisdem plenarie fuerit satisfactum Dicti vero prior et conuentus et eorum successores dictum mesuagium cum suis pertinenciis predicto Alano et Willelmo quam diu vixerint uel cui eorum diucius vixerit sicut predictum est warantizabunt In cuius rei testimonium tam dicti prior et conuentus quam dictus Alanus et Willelmus sigilla sua presentibus scriptis in modo cyrographi confectis hinc inde alternatim apposuerunt Hiis testibus Galfrido de Braundeston Thoma de Maydeford Willelmo de Slapton Willelmo clerico de Wytlebury Roberto Doget de eadem et aliis
Source (click image below to view full size)
