Charter Document - 00370150
| Charter Number: | 00370150 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant, Notification, Agreement |
| Date: | 1374 |
| Date type: | Internal, Feast, Regnal, Lunar |
| Resource Link(s): |
|
Charter:
Nouerint vniuersi per presentes quod nos frater Willelmus prior de Luffeld et eiusdem loci conuentus tradidimus concedimus et dimisimus Iohanni atte Brok de Sulueston et Iohanne vxori sue et Iohanne filio eorundem illud mesuagium nostrum apud Thouebrugge in Chaldelake quod Iohannes Rykelot de nobis quondam tenuit cum omnibus pertinencijs suis et totam terram nostram cum prato adiacente in campo qui vocatur Westfeld cum suis pertinencijs extra terram quam Iohannes Warland et Willelmus Ardal quondam de nobis tenuerunt Habendum et tenendum predictum mesuagium cum tota terra predicta et prato adiacente cum pertinencijs suis predictis Iohanni Iohanne et Iohanni ad totam vitam eorundem de nobis et successoribus nostris libere bene et in pace Reddendo inde annuatim nobis et successoribus nostris septem solidos argenti ad duos anni terminos videlicet ad festum annunciacionis beate Marie in Martio et sancti Michaelis archangeli per equales portiones et vnum caponum ad Natalem domini et dabunt dictis priori et conuentui melius animal eorum nomine herieti post decessum vtrorum predictorum Et preterea faciendo capitalibus dominis foedi seruicia inde debita et de iure consueta et forinsecum seruicium cum accidit et sectam ad curiam nostram semel in anno Et si contingat quod predicti Iohannes Iohanna et Iohannes seu eorum quemquam in parte vel in toto alicuius solucionis dicti redditus terris predictis deficere quod absit extunc bene liceat dictis priori et conuentui seu eorum successoribus tam de dampnis quam de grauaminibus et expensis omnimodis quam de arreragijs cuiuscumque solucionis plene fuerit satisfactum restringere et districcionem fugare et retinere quandocumque et vbicumque voluerint tam infra cepta domus quam extra Et nos vero dicti prior et conuentus et eorum successores dictum mesuagium cum pertinencijs suis et terram prenominatam cum prato et omnibus pertinencijs suis vt predictum est Iohanni Iohanne et Iohanni ad totam vitam illorum et cuilibet eorum diucius viuenti contra omnes gentes warantizabimus et defendemus Omnia vero edificia in adeo bono statu quo ea receperunt vel meliori sustentabunt In cuius rei testimonium huic presenti scripto indentato partes predicte sigilla sua apposuerunt Hiis testibus Philippo Balle ballivo de Thoucestr Iohanne Woxcote Iohanne West de Abtrop Iohanne Heshon Thoma Lambard de Sulueston et alijs Datum apud Luffeld die lune proxima post festum sancte Scolastice virginis anno regni regis Edwardi tercii post conquestum quadragesimo octavo
Source (click image below to view full size)
