Charter Document - 00370147
| Charter Number: | 00370147 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Manumission, Notification |
| Date: | 1419 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus hoc presens scriptum visuris vel audituris ego Iohannes Dayrel dominus de Lillingeston Dayrel salutem in domino Noueritis me prefatum Iohannem manumisse et ab omni iugo seruitutis et bondagij pro me et heredibus meis liberasse et liberum fecisse Ricardum Reue filium Iohannis Reue natiuum dominio meo de Lillingston predicta vocata Gentil corps cum tota sequela de corpore ipsius Ricardi Reve procreata et procreanda et cum omnibus bonis et catallis suis possessis et possidendis Ita quod nec ego predictus Iohannes Dayrel nec heredes mei nec aliquis alius nomine nostro aliquid ius vel clameum iuris in predicto Ricardo Reve nec in corpore suo neque in sequela sua bonis et catallis predictis nec in aliquo eorundem decetero accione alicuius seruientis vel bondagij exigere vendicare nec habere potuerimus sed ab omni accione iuris et clamei in hac parte ego predictus Iohannes Dayrel et heredes mei sumus exclusi per presentes In cuius rei testimonium presentibus sigillum meum apposui ii die martis in festo sancti Iacobi apostoli anno regni regis Henrici quinti post conquestum septimo Hijs testibus Iohanne Chaumbre milite Thoma Couruo Iohanne Chese Iohanne Cok Thoma Wodeward et alijs
Source (click image below to view full size)
