Charter Document - 00370144
| Charter Number: | 00370144 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1401 |
| Date type: | Internal, Feast, Regnal |
| Resource Link(s): |
|
Charter:
Omnibus ad quos hoc presens scriptum peruenerit Ricardus Masoun heres propinquus Thome Lambard de Selueston salutem in domino sempiternam Nouerit vniuersitas vestra me prefatum Ricardum remisisse relaxasse et omnino pro me et heredibus meis imperpetuum quietum clamasse Willelmo Lambard de Selueston Ricardo Halgode de eadem Iohanni filio Willelmi Lambard de eadem Iohanni Clement de eadem et Galfrido Gybouns de eadem heredibus et assignatis eorum totum ius et clameum quod habeo habui seu quouismodo habere potero in omnibus et singulis redditibus et seruicijs meis cum homagijs fidelitatibus wardis maritagijs releuijs heriettis eschaetis et omnibus alijs proficuis incumbentibus et de iure contingentibus cum acciderint post decessum cuiuslibet tenencium meorum de omnibus et singulis terris et tenementis in Sylueston et Witlebury que de me tenentur ut domino feodorum illorum in medio racione hereditatis mee post decessum Thome Lambard auunculi mei Ita quod nec ego predictus Ricardus Masoun nec heredes mei nec aliquis alius nomine nostro in omnibus supradictis redditibus terris et tenementis ac libertatibus prenominatis cum omnibus suis pertinencijs aliquid ius vel clameum de cetero exigere vel vendicare poterimus in futuro set ab omni accione iuris et demanda sumus exclusi imperpetuum Et ego vero predictus Ricardus et heredes mei omnia et singula predicta redditus et seruicia mea homagia fidelitates warda maritagia releuia herietta eschaeta et omnia alia proficua incumbentes et de me contingentes de omnibus et singulis terris et tenementis cum pertinencijs suis in Selueston et Witlebury prefatis Willelmo Ricardo Iohanni Iohanni et Galfrido heredibus et assignatis suis ut supradictum est contra omnes gentes warantizabimus acquietabimus et imperpetuum defendemus In cuius rei testimonium huic presenti littere sigillum meum apposui Hijs testibus Roberto Alein Nicholao Sterthupp Ricardo Hoker Petro Gybouns Iohanne Boterell et alijs Datum apud Selueston die Iouis proxima post festum natiuitatis sancti Iohannis baptiste anno regni regis Henrici quarti post conquestum secundo
Source (click image below to view full size)
