Charter Document - 00370133
| Charter Number: | 00370133 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 - 1270 |
| Date type: | Assigned |
| Resource Link(s): |
|
Charter:
Omnibus Christi fidelibus presens scriptum visuris uel audituris Ricardus de Selueston dictus clericus salutem in domino sempiternam Nouerit vniuersitas vestra me dedisse et omnino quietum clamasse deo et beate Marie de Luffeld et monachis ibidem deo seruientibus Ricardum filium Walteri Denys de Selueston natiuum meum cum omnibus catallis suis et tota sequela sua de se exeunte liberum et quietum ab omni seruicio et iugo secularis seruitudinis Ita quod ego nec heredes mei nec aliquis alius ex parte nostre in persona dicti Ricardi neque in catallis suis nec in sequela sua de se exeunte de cetero nichil possumus nomine natiuitatis nec alicuius seruitutis calumniare uel exigere Vt autem hec mea donacio et quieta clamancia rate et stabiles inperpetuum preseruerent hoc presens scriptum sigilli mei impressione roboraui Hiis testibus Ricardo Auurei Willelmo de Abbetrop Willelmo Cardun Galfrido de Ypres Willelmo textore et aliis
Source (click image below to view full size)
