Charter Document - 00370123
| Charter Number: | 00370123 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1215 - 1225 |
| Date type: | Assigned |
| Resource Link(s): |
|
Charter:
Notum sit omnibus ad quos presens scriptum peruenerit et quod ego Henricus de Hyntun concessi et confirmaui deo et beate Marie de Luff et monachis ibidem deo seruientibus totam terram de Seluestun de feodo Touecestre cum omnibus pertinenciis secundum tenorem carte patris mei Quare volo quod ipsi teneant predictam terram de me et heredibus meis inperpetuum Et ego et heredes mei remisimus et quietos clamauimus inperpetuum duos solidos per annum quos ipsi nobis de predicta terra reddere consueuerunt Et ego et heredes mei predictam terram et quietam clamanciam duorum solidorum per annum eisdem monachis contra omnes gentes warantizabimus Et pro hac confirmacione et quieta clamancia duorum solidorum predicti monachi debent adquietare me et heredes meos uersus curiam de Touec de omnibus sectis seruiciis que iuste exiguntur uel possint exigi de illa terra in Seluestun de feodo Touecestre excepto releuio et homagio Et ut ista confirmacio perpetuum robur obtineat eam presenti scripto sigilla mei apposicione roborato confirmaui Hiis testibus Simone rectore ecclesie de Hynton Hugone capellano Ricardo de Attenestun Rogero de Leonibus Iohanne de Hulekot Iohanne de Gritewrthe Ernaldo de Seluestun Ricardo de Hyntun Ricardo Cardun Roberto de Billing et aliis
Source (click image below to view full size)
