Charter Document - 00370096
| Charter Number: | 00370096 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1231 |
| Date type: | Assigned |
| Resource Link(s): |
|
Charter:
Sciant presentes et futuri quod ego Rogerus filius Iohannis le enginnur dedi et concessi et hac presenti carta mea confirmaui deo et beate Marie et monachis de Luffeld ibidem deo famulantibus pro salute anime mee et antecessorum et successorum meorum in liberam et puram et perpetuam elemosinam septem acras terre et prati scilicet super le Hurilond tres acras arabiles et duas acras prati videlicet duas acras terre que iacent inter le Longeheg et rusellum de Stocwell iuxta terram Cecilie Bacun et unam acram terre iuxta terram Roberd de Billing uersus occidentem et unam acram pratique iacet inter pratum Iordani filii Hawis uersus occidentem et aliam acram prati que iacet inter acras predictorum monachorum iuxta le Brodeheg Et in alio campo scilicet in Hanlescroft tres seliones que iacent inter pratum Roberti de Billing et terram Henrici fratris Alexandri et tres seliones que iuxta terram predicti Henrici uersus orientem iacent et unam acram prati que iacet infra pratum predictorum monachorum Tenendas et habendas de me et heredibus meis bene in pace sine ullo impedimento mei uel heredum meorum Ego uero predictus Rogerus et heredes mei predictas septem acras terre et prati cum pertinenciis suis predictis monachis contra omnes gentes inperpetuum warantizabimus et acquietabimus ab omnibus seruiciis secularibus et demandis que ueniri uel exigi possint Vt autem hec mea donacio et concessio rata et stabilis firmiter preserueret sigilli mei inpressione presens scriptum corroboraui Hiis testibus Henrico de Brauntestun Willelmo filio suo Ricardo filio Arnoldi Ricardo Schard Iordano Bigendebroc Galfrido coco Nicholao tunc diacono de Luffeld et aliis
Source (click image below to view full size)
