Charter Document - 00370090
| Charter Number: | 00370090 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Royal |
| Charter Type(s): | Letters Patent, Order |
| Date: | 1283 |
| Date type: | Internal, Calendar, Regnal |
| Resource Link(s): |
|
Charter:
Edwardus dei gratia rex Anglie dominus Hibernie et dux Aquitanie omnibus balliuis et fidelibus suis ad quos presentes littere peruenerint salutem Sciatis quod suscepimus in proteccionem et defensionem nostram dilectum nobis in Christo [] priorem de Luffeld homines terras res redditus et omnes possessiones suas Et ideo vobis mandamus quod ipsum priorem homines terras res redditus et omnes possessiones suas manuteneatis protegatis et defendatis non inferentes eis vel inferre permittentes iniuriam molestiam dampnum aut grauamen et siquid eis forisfactum fuerit id eis sine dilacione faciatis emendare In cuius rei testimonium has litteras nostras fieri fecimus patentes per vnum annum duraturas Nolumus autem quod de bladis fenis equis carectis cariagiis victualibus aut aliis bonis seu catallis ipsius prioris contra voluntatem suam ad opus nostrum aut aliorum per ministros nostros aut alterius cuiuscunque quicquid interim capiatur Teste me ipso apud Buckeby viii die Iulij anno regni nostri vndecimo
Source (click image below to view full size)
