Charter Document - 00370086
| Charter Number: | 00370086 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1349 |
| Date type: | Internal, Calendar, Regnal |
| Resource Link(s): |
|
Charter:
Edwardus dei gratia rex Anglie et Francie et dominus Hibernie omnibus ad quos presentes littere peruenerint salutem Sciatis quod de gratia nostra speciali concessimus et licenciam dedimus pro nobis et heredibus nostris quantum in nobis est dilectis nobis in Christo [] priori et conuentui de Luffeld quod ipsi terras et tenementa cum pertinenciis ad valorem decem librarum per annum iuxta verum valorem eorundem tam de feodo suo proprio quam alieno exceptis terris et tenementis que de nobis tenentur in capite adquirere possint habendum et tenendum sibi et successoribus suis imperpetuum statuto de terris et tenementis ad manum mortuam non ponendis edicto non obstante Ita tamen quod ijdem prior et conuentus et successores sui quendam monachum vltra certum numerum monachorum in domo illa antiquitus ordinatum diuina singulis diebus in ecclesia prioratus illius pro salubri statu nostro dum vixerimus et anima nostra cum ab hac luce migrauerimus necnon pro animabus antecessorum nostrorum ac anima Iohannis de Grey militis defuncti celebrantem inueniant imperpetuum et quod per inquisiciones in forma debita faciendas et in cancellaria nostra vel heredum nostrorum rite retornandas compertum sit quod adquisicio sive adquisiciones sic faciende fieri poterint absque dampno et preiudicio nostri et dictorum heredum nostrorum ac alterlus cuiuscumque In cuius rei testimonium has litteras nostras fieri fecimus patentes Teste me ipso apud Wodestok tricesimo die Maij anno regni nostri Anglie vicesimo tercio regni vero nostri Francie decimo
Source (click image below to view full size)
