Charter Document - 00370085
| Charter Number: | 00370085 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1354 |
| Date type: | Internal, Calendar, Regnal |
| Resource Link(s): |
|
Charter:
Edwardus dei gracia rex Anglie et Francie et dominus Hibernie omnibus ad quos presentes littere peruenerint salutem Sciatis quod cum nuper de gracia nostra speciali concesserimus et licenciam dederimus pro nobis et heredibus nostris quantum in nobis est dilecto nobis in Christo priori et conuentui de Luffeld quod ipsi terras et tenementa cum pertinencijs ad valorem decem librarum per annum iuxta verum valorem eorundem tam de feodo suo proprio quam alieno exceptis terris et tenementis que de nobis tenent in capite adquirere possint habend et tenend sibi et successoribus suis imperpetuum statuto de terris et tenementis ad manum mortuam non ponend edito non obstante prout in litteris nostris patentibus eisdem priori et conuentui inde confectis plenius continetur Nos volentes concessionem nostram predictam effectui debito mancipari concessimus et licenciam dedimus pro nobis et heredibus nostris quantum in nobis est Iohanni Grene capellano et Simoni Scot de Toucestre quod ipsi duo mesuagia triginta acras terre et octo acras prati cum pertinencijs in Toucestre Eston et Holcote que de nobis non tenent et que valent per annum in omnibus exidbus iuxta verum valorem eorundem vltra reprisas et seruicia inde debita quinque solidos et vndecim denarios sicut per inquisicionem inde per dilectum nobis Walterum Parles escaetorem nostrum in comitatu Norhampton de mandato nostro captain et in canccllariam nostram retornatam cst compertum dare possint et assignare prefatis priori et conuentui habend et tenend sibi et successoribus suis in valorem decem solidorum per annum in partem satisfaccionis decem libratarum terrarum et tenementorum predictarum Et eisdem priori et conuentui quod ipsi predicta mesuagia terram et pratum cum pertinencijs a prefatis Iohanne et Simone recipere possint et tenere sibi et successoribus suis predictis imperpetuum sicut predictum est tenore presencium similiter licenciam dedimus specialem statuto predicto non obstante nolentes quod predicti Iohannes et Simon vel heredes sui aut prefati prior et conuentus seu successores sui racione statuti predicti per nos vel heredes nostros inde occasionentur in aliquo seu grauentur Saluo tamen capitalibus dominis feodi illius seruicijs inde debitis et consuetis In cuius rei testimonium has litteras nostras fieri fecimus patentcs Teste me ipso apud Westmonasterium xviij die Nouembris anno regni nostri Anglie vicesimo octauo regni vero nostri Francie quintodecimo
Source (click image below to view full size)
