Charter Document - 00370084
| Charter Number: | 00370084 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Royal |
| Charter Type(s): | Writ |
| Date: | 1230 |
| Date type: | Internal, Calendar, Regnal |
| Resource Link(s): |
|
Charter:
Henricus dei gratia rex Anglie dominus Hybernie dux Normannorum Aquitanie et comes Andegauie archiepiscopis episcopis abbatibus prioribus comitibus baronibus iusticiariis vicecomitibus prepositis ministris et omnibus balliuis et fidelibus suis salutem Sciatis nos intuitu dei et pro salute anime nostre et animarum antecessorum heredum nostrorum concessisse et hac carta nostra confirmasse priori de Luffeld et monachis ibidem deo seruientibus quod ipsi et successores sui habeant in perpetuum unam feriam apud Luffeld singulis annis per tres dies duraturam videlicet in vigilia et in die et in crastino exaltationis sancte Crucis Nisi feria illa sit ad nocumentum vicinarum feriarum Quare volumus et firmiter precipimus quod predicti prior et monachi et eorum successores habeant in perpetuum predictam feriam bene et in pace libere quiete integre et cum omnibus libertatibus et liberis consuetudinibus ad predictam feriam pertinentibus sicut predictum est Hijs testibus venerabilibus patribus Iocelino Bathon Ricardo Dunolm et Waltero Carleol episcopis H de Burgo comite Kanc iusticiario Anglie R comite Cestr et Linc W Marescallo comite Pembrok Stephano de Segraue Iohanne Marescall Radulfo filio Nicholai Et alijs Datum per manum venerabilis patris R Cicestr episcopi cancellarij nostri apud Westmon viii die Februarij anno regni nostri quartodecimo
Source (click image below to view full size)
