Charter Document - 00370080

Acta in ecclesia beate Margarete supra montem Linc die martis proxima post festum sancti Leonardi a die lune proxima precedente continuato et prorogato anno domini MCCC coram nobis [] officiali Linc in causa supra quadam annua pensione que coram nobis vertebatur inter religiosos viros [] priorem et conuentum de Luffeld attornatos per Thomam de Insula procuratorem eorundem comparentes ex parte vna et magistrum Iacobum de Bokingham rectorem medietatis ecclesle de Bechampt reum per Galfridum de Sutton procuratorem suum comparentem ex altera videlicet cum constaret nobis per retroacta dictos diem et locum partibus antedictis fuisse prefixos ad audiendum summam diffinitiuam in dicta causa si liqueretur instantibus procuratoribus partium predictarum et summam diffinitiuam in dicta causa ferri cum effectu postulantibus demum cum nichil ab eisdem partibus ad retardationem summe memorate de novo proponeretur ad sumandum processimus in hunc modum In dei nomine amen Cum religiosi viri prior et conuentus de Luffeld magistrum Iacobum rectorem medietatis ecclesie de Bechampt coram nobis [] officiali Linc supra quadam annua pensione seu prestatione decem solidorum eisdem religiosis a medietate ecclesie predicte debita traxissent in causam possessorium iudicium intentando porrecto a parte dictorum religiosorum dicto magistro Iacobo libello convencionali sub hac forma coram vobis domine iudex dicit et iniure proponit procurator religiosorum virorum [] prioris et conuentus de Luffeld nomine procuratoris pro eisdem contra magistrum Iacobum rectorem medietatis ecclesie de Bechampt et contra quemlibet legitime intervenientem pro eodem quod cum ipsi religiosi domini sui nomine monasterij sui fuissent in possessione iure vel quasi percipiendi decem solidos sterlingorum annue prestationis seu pensionis a predicta medietate ecclesie et a rectoribus qui pro tempore fuerant in prefate medietate ecclesie instituti ad presentationem eorundem religiosorum vsque ad institutionem prefati rectoris in eadem medietate ecclesie qui nunc est idem tamen rector a tempore sue institutionis in predicta ecclesia dictam annuam prestationem subtraxit et dictis religiosis soluere contradicit minus iuste licet sepius ex parte eorundem religiosorum humiliter esset requisitus et sic ipsos religiosos et eorundem monasterium sua possessione iure uel quasi percipiendi annuatim predictos decem solidos spoliando seu spoliari mandando sive spoliationem nomine suo factam ratam habendo in anime sue periculum et dictorum dominorum suorum preiudicium non modicum et gravamen Quare petit procurator predictus nomine dominorum suorum probatis de iure probandis quatenus sibi nomine procuratoris sufficiant in hac parte dictos dominos suos eorum monasterium ad statum percipiendi huiusmodi annuam prestationem decem solidorum de predicta medietate ecclesie et per eundem rectorem subtractam restitui et predictum magistrum Iacobum de subtractis pro tempore suo in predicta ecclesia predictis religiosis ad satisfaciendum compelli Hoc dicit et proponit nomine dominorum suorum divisim et coniunctim iuris beneficio sibi et dominis suis in omnibus saluo facta que ad prefatum libellum per dictam partem ream litis contestatione negative dicendo narrata prout narrantur vera non esse et ideo petita prout petuntur fieri non debere prefato quod ab eisdem partibus in dicta causa de calumpnia iuramenta prefati religiosi quosdam testes ad suam intencionem probandam produxerunt quibus in forma iuris admissis iuratis et examinatis et eorum attestationibus pupplicatis ceterisque iuris sollempniis in hac parte observatis et demum in causa concluso nos officialis Linc supradictus adsumendum in dicta causa decreuimus fore procedendum auditis igitur in alteris minutis causa supradicte processuque in dicta causa habito inter partes memoratas diligenter investigato quia inuenimus prefatos religiosos intencionem suam quo ad possessionem dictorum decem solidorum annuorum sufficienter probasse nichilque incontrariam a parte rea predicta ad exclusionem intencionis principalis partis actionis predicte fuisse propositum seu ostensum eosdem religiosos et eorundem monasterium ad statum et possessionem percipiendi huiusmodi pensionem seu prestationem annuam decem solidorum de predicta medietate ecclesie de Bechampt restituimus et reducimus ipsosque restitutos et reductos tuendos fore decreuimus prefatum magistrum Iacobum in dampnis et expensis que et quas dicti religiosi in dicta causa incurrisse et legitime fecisse constiterit quam taxationem nobis reseruamus nichilominus condempnantes